في رمضان الكثير يتسابق للتراويح والقيام .. وهذا شيء يفرح بلا شك .. لكن المحزن في الأمر إن في بعض الناس ما عندها حياء ولا اهتمام للمصليين .. ولا حتى حرمة المكان اللي اهم فيه .. أنا بذكر بعض المواقف التي حدثت لي وانتوا احكموا وشوفوا مدى تخلف البعض أو جهلهم لا أعلم الصراحة لكن هناك خلل فيهم :)
أولاً في المواقف أنا دايماً أروح بروحي للقيام وفي هاليوم قلت حق أخووي يروح معاي واهوا مو من اللي يحافظون على القيام لكن كنت أبيه يي معاي عسى إن الله يهديه .. رحنا المسيد الكبير ماكان في مواقف في البراحه او الاماكن المخصصة للمسيد
ولا نشووف ان مواقف بنك برقان او البورصة على ما اعتقد فيهم مكان .. دخلنا للمواقف وصفطنا ورحنا الصلاة
طبعاً في المسيد الواحد يشوف أشكال وألوان من الناس وتصرفاتهم الغريبة أنا ما أقدر أصلي بره لأني الجوو يخنقني وعندي التهاب بالشعب الهوائية فأحاول أصلي داخل أو في مكان بارد وداخل المسيد ماشاء الله فيه واايد حاولت إني أدوور مكان ولقيت وكانت على يساري وحدة قاعدة على الكرسي وشكلها مو كبير واايد شكلها بالثلاثين بس مبين ان صحتها زينه المهم صلينا الحمدلله ويوم يينا للسجود الاخت اللي على الكرسي اسجدت واللي على يميني بعد والكرسي طق بريلي والحبيبات فاتحين ايديهم واايد لدرجة ان ايدي لزقتها حييل يم راسي وتضاايقت وااايد وردينا صلينا وانا اصلي جيكت ان راعية الكرسي ما اعقدت على الكرسي نهائياً في الصلاة بس وقت اللي بين الصلاة وقت البريك
انا مو حقدت زين ما فجررت بالمكان وطلعت وكل ما اسجد ادعي الله يسهل على الصلاة لكن احس كل ركعة تكون اصعب
وطبعاً انا استغرب من اللي يوون الصلاة وريحتهم خايسة ! ريحة أكل وطباخ ولا ريحة عرق .. يعني كيفكم ريحتكم مالنا شغل بس جذي راح تأذون الناس وهذا ما يجووز ولا شنو النظام بس المهم أصلي وبس لالا المهم بعد المصليين اللي معاكم !!!!
واللي يطوفون بيني وبين اللي يمي امبييه شنو هذاا رووحي الممر اللي يطوفون منه ولا ما تقدرين على خطوتين زيادة
يبه احتسبي الاجر فينا وفكينا وهمم اللي يقعدون ما يصلوون يسولفون ونسمع سوالفهم تقولها تذكريين يوم رحنا وطلبنا المأكولات البحرية
ترد الثانية اي اي يوم كلينا القبقب ومادرينا وها ها ها يضحكون !! عساج ما هضمتي واحنا شنو ذنبنا يوم كليتي القبقب !!!
واللي يصلي بره يششوف الجواتي اجلكم الله مقططة جدام اللي يصلوون اشدعوه في مثل كبتنات صغاار حق الجواتي حطووهم اشكثرهم ماشاء الله ولا خاايفين احد يبوقهم ؟! وفي ناس اتحط جواتيهم بالجنطه شنو هذااا جووتي من ذهب !؟ وترى ماراح يضيع كله مسيد
واكررره ما عندي اللي تي وتلزق فيني لزق جتفها يصير فوق جتفني لالالا مو لهدرجة يعني المفروض الالتصاق مو تجرميين بجتفي
رحميني الله يرحمج ان شاء الله ولا تقعدون يم مره عوودة راح اتحلطم على كل شي شفتي هذه وشفتي هذه هذاا ما يعرف يقرأ شلوون يحطوونة وااي اتعبت رويلاتي وتقوول قصة بنتها وحفيدتها اللي رايحين السووق وما يوو الصلاة تكفييييين انا شكو !!!
ولا اليوم الثاني تحش فيني عند ناس ثانيين عادي :p
وماشاء الله اخوانا المصرين ما كلينا اكل بالمسيد اكثر من الكوييتين وخاصة الحريم منهم ومو عن شي بس دايماً تكون ريحتهم مو حلوه
وفي كويتيين بعد طبعاً الكويتتين لا تكون ريحتهم مو حلوه تقتل نفس ريحة السمج المعفن أرف أرف
واللي تحط مكيااج وياية الصلاة !. حمرتها حمره اشدعوه !؟ عرس ؟؟؟؟
واللي تدعي واهيا ساجدة وانا اسمع دعاءها ونسييت اشكنت اقوول من درجة ارتفاع صووتها ..
وانا لما قلت مكان سيارتنا عشان يوم طلعنا بنرد البيت ولا واحد مصكر على سيارتنا وسيارة اثنيين غيرنا
الحين اللي يعرف المواقف هناك شلون صاايره راح يعرف
في مواقف على اليمين واليسار وبس الاخ هذا لالالا وقف بالنص !! والنص اذا وقفت فيه اللي على اليمين واليسار ما يطلعون لان الموقف صغييير .. نطرنا ربع سااعة والشرطة يقولون مالنا شغل هذا موقف خاص مو مفتووح طبعاً اخووي كره حياته وعصب
ويوم كان اخووي عند الشرطة يسألهم يه الريال ووخر سيارته وقال حق اللي مصكر عليهم غير اخووي
اسف اخاف اخرتكم ويضحك وبرووووود ..!! يوم يه اخووي قاله واحد منهم اللي قاله.. وقال اخووي مره ثاانية بفش تواايره عشان اخلييه يتأخرههههه قلت خل يوولي ما يستحي عاادي .. ولا يقوولي شنو هذا بالمسيد قلت شنوو قال واحد يمي مغتر وبزمة وساعة وقلم
والغتره مترووسة نشاا وكل اشووي يتريع ووويع ريحة خاايسة :/ ويقول المشكلة مو مره مرتيين غثني كل اشووي يتريع يقوول والله كنت بقووله ماكل بعيرر ولا شنووو ويقوول رفع ضغطي ولا اقوول اميين بصووت عالي بطيت اذوونة :p بس ما فهم
جان يقوولي اخووي جذي اللي يصلوون بالمسيد !!! ما يستحوون ماراح اروح مسيد مره ثاانية اذا هذه اولها
جان افكر بيني وبين نفسي ليش الناس اللي تسوي نفسها تخاف ربها وتصلي وتتعبت وتيي للمسجد بالرغم من التعب والوقت المتأخر
والقعدة للدوام الصبح ليش ما يقدرون قيمة المعاملة الحسنه للأشخاص الكلمه الحلووة ولا الدين والاسلام بس صلاة والاعمال الظااهرة بس لالالا الدين الاسلامي اكبر من هالشي
ويمكن في احد منكم بقول اشدعوه يعني انتي ما يطلع منج خطأ بالمسيد !؟ اقوول اكييد عندي خطأ بس احاوول كثر ما اقدر ما ازعج اللي يمي لا بالركوع ولا السجوود ولا ادزها عشان اووقف ولا ادعي بصووت عالي لأن صج صج ما احب ازعج احد واضاايقة وخاصة وقت الصلاااة وامس كنت بصلي يم وحدة شافتني بنظرة جني قااعدة في بيتها قلت في احد هني !؟ قالت لأ ماكو أحد بس رووحي بره المكان اوسع واريح ( قالتها بنفسية خاايسة جني أشتغل عندها) طبعاً أقدر أصلي واكشت فيها لأن المكان مريح جداً لي لكن ما أحب أضاايقها
لأني ما أحب يضاايقني ورحت طلعت بره صلييت والجووو كان حدة يخنق وانا بالصلاة حسييت نفسي انقطع من الجووو
وقلت بقلبي الحين بمووت خلاص :( بس الحمدلله شديت على نفسي وخلصت ..
وهذا شووووية من اللي يصير بالمساايد والخافي أعظم
الله يستر علينا بس :p
وفيه موضوع عن التعامل السيئ واللي يسئ لنا كمسلمين وكويتيين
وبوست حسام بن ضرار بعنوان
وفيه معاناة المصلين والأطفال المليقين
بس بعرف ليش الناس ما تستحي ؟؟!!
:@