2008/12/12

تناقض غريب














(1)



بو بدر: يا ولدي ما يصير لازم تصلي بالمسجد ترى صلاة الجماعة أفضل من صلاة الفرد بـ 27 درجة

وأنت شوف جم صلاة تصليها .


بدر: يتحلطم في نفسة ( أستغفر الله ردينا على نفس السالفة ) إن شاء الله يبه إن شاء الله

بس إذا تقصد عن أمس ترى كنت تعبان وراحت علي نومة .



بعد ربع ساعة أذن العصر



بدر راح يتوضأ وبروح المسجد .. راح يشوف أبوة .. يبه يبه قووم أذن العصر .. مابتروح الصلاة .. قوووم يبه لا نتأخر .. وقام يحن ويون على أبوة


بو بدر: يا غبي ما تشوفيني نايم .. أذلف صج أنكم مو كفو أقوم من صباح الله أروح الدوام

مو عشانكم وماتبوني أنام إشووي أرتاح ..



بدر : !!!!!!!! عيل وين الـ 27 درجة ( بقلبة يقول ) خرطي خرطي ...












(2)


أسماء بتروح السوق مع أختها الكبيرة ..أووف أووف مالي خلقها تعور راسي حرام وحرام ومايجووز شرعاً ..

بالطقاق عاد مالي شغل فيها





مها : يلا يلا أسوومة خلصتي أنا ناطرتج بالسيارة .. لا تتأخرين ترى بروحه زحمة اليوم



أسماء : أوكي أوكي كاني وراج ورشت العطر على ملابسها وخذت جنها وإطلعت


مها : أسماااااائووو !!! شنو هذاا


أسماء : إخترعت .. إشفيج ؟؟ شنو صاير !!؟


مها : شلووون تحطيين عطر ؟؟؟ وإحنا بنروح السووق !!


أسماء : شكووو !!!


مها : يعني ما تعرفين حديث الرسول علية الصلاة والسلام إن كل وحدة تتعطر وتطلع من بيتها تعتبر زانية ..


أسماء : أستغفر الله .. إشفيج إنتي .. !!؟؟؟
ترى ما حطيت إلا شوويه وبعدين شراح يصيرلا تصيرين معقدة وتحبكينها ..



مها : أقول أقوول أنا بعلم أمي عليج وحسابج عندها


أسماء : حسااب شنوو !!؟؟ أنا ما طلبت من مطعم !!


مها : وااي شـ الملاقة !؟!


بعد ساعة ونص


أسماء : الله شوفي هالتنورة حلوه شكلي باخذها بس ياربي شنو يلوق معاها


مها كاشتة بأسماء وعينها على مجموعة من البنات بالصووب الثاني


أسماء : إشفييج تخززين البنات ..؟؟ تعرفينهم ؟؟


مها : إي معاي بالجامعة ..


أسماء: روحي سلمي عليهم ..


مها : لالا مالي خلقهم ..


أسماء : كييفج .. !!! يلا إمشي نروح نكمل تسوقنا


عند الكاشير ..


أسماء : رفيجاتج كاهم بيوون ورانا هههه خلصوا معانا ..


مها : وي وي من صجج !!! شكلي زين ؟؟ بسررعة قوولي ترى نوعهم تعلليق يلا اسوومة قوليلي بسرعة بسرعة


أسماء : إي إي زين .. الحمدلله والشكر


مها بطلت جنطتها طلعت العطر ورشت على ملابسها .. !!


وين !!؟؟


في السوق ..

عند الكاشير ..

وهو ريال مو مرة ..

والمحل .. فيه شباب وبنات ..
......



كثير من التناقضات نشوفها في حياتنا وهذه بعض الأمثلة ..

من خيالي لكن أقرب ما تكون من الواقع ويمكن الواقع أمر منه ..

لكن ليش الإنسان يناقض نفسة .. !!

هل هو شعوور بالنقص أو شعوور للفت الإنتباة وتسليط الضوء على نفسة ..؟

أو أن يكون حديث الساعة .. !!




وشلووون الإنسان بكون قدوة لشخص ما وهو ما يسووي اللي يقولة .. قول بلا فعل ..

والتناقضات لها مستويات ..

وكل كان الإنسان له أمور يثبت عليها ويكون على مبادئة ممكن تزيد عنده التناقضات ..

لأنه السبب الوحيد لهذا الفعل إن الأمور هذه والمبادئ إنوجدت من العدم أو كانت هشة .. ومع أقل ضربة تتحرك ..

لكن مو المهم تكون القدوة وبداخلك تناقض كبير ..


لكن عليك أن ذو مبادئ قوية لا تهزها المتغيرات والمغريات ..

وإن كانت المغريات كثيرة من حولك .. لكن لا تكون متناقض .. تناقض الناس ..

فأنت تنافض نفسك أولاً وأخيراً ..



:)






هناك 47 تعليقًا:

wa7id يقول...

مثل حال اللي ينصح ولده ..
ياولدي الزقاير مو زينه..تتلف صحتك..وجيبك..وريحتها مو زينه.. وعيييب
وهو بيده زقاره..:)
...
النصيحه فن..واسلوب..واختيار الوقت المناسب ..
والله يعيين من كان .."قدوه"
:)

Kuwait يقول...

وااااااااااي بالضبببببط واااايد يمرون علي هالأشكال بالدوااااام ..
اذكر مره وحده طفرتني على قولتها وايد تلبسين ملابس لونها حمره وهذا منكر !!!
تاليتها شوف عيني قاطه نقابها والمصري يدش ويكلمها عادي والهندي يدش ويطلع عادي والكويتيين الصغار الي معانا بعمرنا هم عادي بس الكبار تتنقب عنهم !!!
النقاب عادي تقطه والأحمر منكـــر !!!!!!!!!!!!

Cloudy Stars يقول...

أنا أسميه نفاق مو تناقض

حياتي هدف مو عبث يقول...

وحيد

الأمثلة كثيرة لكن المصيبة إن بعض الأحيان نتساهل في فعل أمامنا وهو متناقض فلا نعلق ولا نتكلم فيكون
شيء عادي لأننا تعودنا على رؤيته :)

حياتي هدف مو عبث يقول...

كويت

عيل أقولج شي يضحك صج صج
مرة كنت رايحة كلية الشريعة
عشان كان في دورة
وحدة من اللي كانوا واقفين معاي
تبي تدخل بس ما تبي اتكلم الصبي اللي كان واقف قلت لها كلمية عادي
قالت لأ مابي ريال !!!!
انا قلت بقلبي شكو ريال يعني يبي ياكلج
ولا تتميعين بالحجي .. !!
خوو ريال مو وحش .. ولا تنادي الحارس المصري وتكلمه !!!
جان أضحك لا شعورياً من تصرفها المتناقض
يعني المصري مو ريال ؟؟

لو اقوولج عن اللي أشووفه ما نخلص
:P

حياتي هدف مو عبث يقول...

Cloudy Stars

ممكن لكن أنا أعتقد النفاق يكون في الخفاء .. :)
بس ترى كلهم مررض :) الله يبعدنا عنه ويحفظنا :))

حياك الله

ابو لطيف يقول...

هذا امر شائع ولايقتصر على عامة الناس فقط
ولكن مع الاسف يقع فيه بعض الدعاة

و هنا يجب التفرقة بين النصيحة بذاتها او الحكم الشرعي وبين قائله

فلايضيرني عدم تطبيق القائل او الناصح ولكن يضيرني عدم تطبيق النصيحة او الحكم


ولاشك ان هوى النفس في هذه الحالات يتغلب على الحق
وهذا شأن الكتير الا من رحم ربي

ومثل هذا الامر منهي عنه بشده خاصة في حالة علانية الفعل المناقض للنصيحة

اسأل الله ان يجعلنا ممن يستمعون القول فيتبعون احسنه

وان يهدينا الى الحق وان نفعل ما نقول

احسنت اختي الكريمة

جزاك الله خير

حفظك الله ورعاك

غير معرف يقول...

موضوع مهم وأمثلة جميلة

التناقض أعتقد يأتي من ضعف ايمان الانسان بالأمور اللي يطالب فيها غيره

بمعنى آخر ... وعلى نفس أمثلتج

لو كان الأبو فعلا تهمه الصلاة من داخله جان ما نام وهو يدري بوقتها قريب!

بس في ناس التناقض فيهم مو علامة ضعف...صدقيني!

بعض الناس من كثر ما يحبون غيرهم ... يتمنون غيرهم يكون مثالي ويسوي كل شي صح ويجتهدون على غيرهماللي يحبونه... وينسون نفسهم!!

إيلاف يقول...

السبب واحد !
ان الذي يقولونه إنما يقولونه لأنهم حفظوه وسمعوه واعتداوا عليه
ولكن لم يأمنوا به أو يعتنقوه

باختصار , المجتمع يقول جذي , عايلتنا تبي جذي , أنا تعودت على ان هالشي غلط
- لكن ما وقر بقلبهم ان هالشي غلط -

THE BOSS يقول...

أنها ازدواجية المعايير
فترضى لنفسك و تبيح لها ما ترفضه
لغيرك

وعطني ولعه

Enter-Q8 يقول...

بني ادم
نفسي انا اقول حق ولدي الصغير
كخ بابا عن الزقاير لما يبوقها

الإعلامي أحمد الحيدر يقول...

موضوع قعلا هادف ويضع يد الأخت الكاتبة على الجرح ..

يقول أحد الشعراء " لا تنه عن خلق وتأتي مثله .. عار عليك إذا فعلت عظيم " .

لكن للأسف هالأيام حتى العار صار عند البعض محل افتخار !

حسام بن ضرار يقول...

الله يخليج في شي بهالدنيا ما حاشه التناقض !

someone_q8 يقول...

السلام عليكم
شالفرق بين النفاق وضعف الايمان ؟
طبعا الفرق كبير لكن اليوم اختلطت هذه الامور مع بعضها البعض لكن علاج هذه النمايمن من البشر هو الاسلوب المباشر وهو النقد المباشر
جربي هالاسلوب وشوفي ردة الفعل

حياتي هدف مو عبث يقول...

ابو لطيف


بل الأعجب من هذا إن يتم الأمر بفعل شرعي واضح وصريح .. فيتم التصرف المتناقض فيه هنا يكون خلل ما في هذا الإنسان .. والله يهدينا ويجعلنا مصلحين صالحين يارب :)

ShLaLaT يقول...

اي والله شهالتناقض ؟؟


انا اطفررررررررر من هالسوالف

:|

حياتي هدف مو عبث يقول...

دروازة


حياك الله :)
كلامك صحيح لكن علينا التفريق بين المحبة وبين الأمر بفعل شيء ما
وينطبق عليهم الأية " أتأمرون الناس بالبر وتنسون أنفسكم "
فيجب العمل أولاً في إصلاح النفس ثم بعده إصلاح الغير

والله يبعدنا عن التناقض ياارب

Marwah Albahrani يقول...

ليش الناس تناقض نفسها

ببساطة الرغبة في تحقيق الكمال .. من خلال شخصية يسعون للوصول الى عتباتها

الرغبة في جذب انتباه والمدح و النفاق المنمق .. بسلسبيل الكلمات

طبع البشر ..

حياتـ(ـي ) هدف مو عبث ..

نحن في مجتماعتنا مظاهر .. و جواهرنا ... مطلية بالذهب لتعطينا بريقا زائفا

ليس الجميع

لكن نبقى بشر

تحياااتي .. اعجبني الطرح

حياتي هدف مو عبث يقول...

إيلاف

الأسباب كثيرة وهذا سبب منهم
فكم عرفت أنا أشخاص يأمرون بشيء ويناقضونه فيما بعد لكن كان همهم إن الناس لا تتكلم عنهم بسوء
وأؤكد على كلامج إن الفعل يجب أن يكون صادر من قلب وعقل مقدّرين ما يحدث :)


حياج الله إيلاف

حياتي هدف مو عبث يقول...

THE BOSS

وكل إزدواجية تختلف من شخص إلى أخر
وأخذ انت :)

حياتي هدف مو عبث يقول...

Enter-Q8

صدقني يمكن ماراح يبوقها مره ثانية
لكن راح يتعود على الفعل وممكن يتطور التدخين من أفعال وتصرفات

بطل تدخين على الأقل عشان صحتك
والله يحفظ لك ولد ياارب :)

حياتي هدف مو عبث يقول...

الإعلامي أحمد الحيدر

حياك الله ..

وأصبح هناك تنافس على العار
حتى وإن كان كبير :)

الله يحفظنا ..

حياتي هدف مو عبث يقول...

حسام بن ضرار


القلب الصاحي والسليم ..

وممكن فيه تناقض لكن صعب جداً إن كان في الأمور الشرعية والإسلامية
لأن ممكن أنا أقول حسام لا طووف الإشارة الحمراا وأنا أطوفها هذا تناقض لكن هذا شي متغير لكن الثوابت في الشرع ما تتغير :)

حياتي هدف مو عبث يقول...

someone_q8

وعليكم السلام ورحمة الله

يا أخوي جرّبت وطلعوني غلطانه
وصريحة لدرجة الوقاحة ..
لكن في أشخاص ما أقدر أتنقدهم لأن في حدود بينا .. بس نحاول بالأسلوب اللطيف
وأفعالنا السوية والله يعينا يارب :)

حياتي هدف مو عبث يقول...

ShLaLaT

منو ما يطفررر يا أختي !
الله يهديهم ياارب :)

حياتي هدف مو عبث يقول...

Marwah Albahrani

فعلاً .. لكن لا تنسين إن التناقض يكون أشد وقعاً في الحكم الشرعي :))

حياج الله أختي . :)

q8_el5air يقول...

اسف على التعليق متاخر :):):)


باعتقادي ان من ينصح الغير ومن ثم ياتي بفعل يناقضه ، هم على مستويات ..!!

فمنهم صاحب ارادة ضعيفه لا يقدر على الاتيان بهذا الفعل ، وبسبب حبه لهذا الشخص قهو ينصحه .. والتدخين اقوى مثال لذلك !!

ومنهم من ينصح وهو بداخله ونيته ان يقوم بهذا القعل او انه في مراحل التغيير للاتيان بهذا الفعل فهو صاحب ارادة متوسطة قد يفعل احيانا وقد تضعف ارادته فلا يفعل ويناقض نفسه .. واكبر مثال لذلك الجوانب الاخلاقية !

ومنهم من ينصح فقط لاثبات الوجود وفرض النفس لا اكثر .. فهو ينصح بسبب مرض بنفسه او بسبب مكانته الاجتماعية وهو يعلم بداخله انه يناقض نفسه .. واكبر مثال الاب في البيت !!!


ويسلموووواااااااااااااااا :)

أندلسي يقول...

هذا الشخص مطلوب للعدالة بتهمة
التخابر مع دولة اجنبية
وزعزعة الامن الداخلي
وتشكيل حزب محظور

يلقى الفبض عليه

ويحول الى النيابة


يخرج من النيابة


يصير وزير !


تسقط التهمة ..

عمري م شفت مثل

هالتناقض في حكومتنه الرشيدة .!

والشعب على حكوماته.

لين يقول...

أعتقد أنه مو تناقض .. هو عدم قناعه .. لو كان الشخص مقتنع جان صار جدام الناس و وراهم نفس الشي ..

₪ManaL₪ يقول...

السلام عليكم =)

مشكلة التناقض والله

بالجامعة رفيجتي رايحة الحمام تكرمون تعدل حجابها و يمها وحده تقولها [واي صراحة ما أحب اللي يحطون ميك آب حلات الوحده على طبيعتها]
و بعد جم دقيقة طلعت مكياجها و قاعدة تحط و المشكلة رفيجتي للحين يمها منصدمة !!
و هم بعد وحده تقول آنا ما أحب أحط عطر حرام أعتبر زانية و لما طلعت رشت

أمبيه هذولي شنو ؟؟ لو ساكته أحسن لها..

الله يهديهم إن شاء الله :)

باركَ الله فيج :")

Fankooshy يقول...

موضوع مميز جدا وواقعي جدا
وايد نصادف ناس من هالنوع في حياتنا
شكرا :)

vancouver يقول...

اكثثثثثثثثثثثثثثثثثثثثثر
شيء يبط جبدي الابو او الام اللي يقولون
لعيالهم لاااااااا تجذبون

واهمه الصوارييييخ 24 تطير
من وراهم

ههههه


اما التناقض في الامور الدينيه حدث ولا حرج
ترى كلنا مقصرين
لو بتدققين
:\\\

حياتي هدف مو عبث يقول...

q8_el5air

لا عادي اشدعوه :))

جميل ربطك للتناقض بالإرادة

حياتي هدف مو عبث يقول...

أندلسي

صحيح :)

لكن ليست رشيدة كحال بعض أبنائها !

حياتي هدف مو عبث يقول...

لين

لا تناقض لأن في أسباب وايد للفعل
وموجودة بالبوست وبعض التعليقات :)

حياك الله :)))

حياتي هدف مو عبث يقول...

₪ManaL₪

وعليكم السلام ورحمة الله

التناقض منشر كثير :)
بالضبط اسكتي ولا تتكلمتي ..

لكن لا تنسي إن البعض يتكلم حتى يقال عنه كذا وكذا .. :))


حياج الله

حياتي هدف مو عبث يقول...

Fankooshy

الله يستر علينا يارب :)

عفواً

حياتي هدف مو عبث يقول...

vancouver

هاهاها
أعرف وحدة اتزف بيتها اذا صارخت على الخدامة .. بعد عشر دقايق اهيا تصارخ :)) اشكره مو صاحية ..


في تناقض وفي تقصير في الأمور الدينية
يعني أنا ماراح أقول حق صديقتي لا تحفين وأنا أحف ولا أقولها لعن النامصة والمتنمصة .. والله بتضحك علي
وحتى ماراح اتحس بقيمة كلامي
عكس لما أنا ما أحف حواجبي وأقولها لا تحفين راح يكون الوقع غير

الله يساعدنا ويعينا على عدم التقصير والتناقض ياااااارب :)))

حياتي هدف مو عبث يقول...

Marwah Albahrani

عذراً مروة بس الفيديو فيه موسيقى

ما أقدر أنزل الكومنت :)

أتمنى تتفمهين هالشي :*

شـقـــــران يقول...

العزيزة حياتي هدف


موضوع جميل..وعندما أقول جميل فإنني أعني ذلك تماما


والتناقضات تحصل أحيانا من باب عدم الانزلاق الى نفس المنزلق

فمثلا تجدين مدخن ينصح ولده بعدم التدخين حتي لا يصل الى ما وصل اليه


ولكن اتفق تماما مع ماذكرتيه في آخر فقرة من الموضوع




مع وافر الأماني الطيبة

حياتي هدف مو عبث يقول...

شقران

مشكووور :))

صحيح وربما هذا يكون من خوفنا على الشخص وحبنا له
لكن لو تفكر إن هالفعل سوف يتوارث
وتصبح مصيبه .. افعل وانصح العكس :))

حياك الله :))

Marwah Albahrani يقول...

بما أني لا استطيع الرد على الموضوع الجديد .. المدونات ..

قررت الاعتذار هنا

صدقيني تررددت في وضع الرابط لنه في موسيقى

بس يما ييت فكرت فيها قلت اغنية اطفال

مو سالفة اني شفته صح و فرضت رايي انه ينشر

و الله كنت حاسة .. بس بعدين بكيفي اجزته قلت اغنية اطفال P:

اعتذر مرة ثانية

انونيمس بالعربي يقول...

حلو الموضوع

ما عندي مانع اشوف انسان يغير من تصرفاته مع الوقت
ومافيها شي الآدمي يكتشف نفسه بتغيير توجهاته
خصوصا البزارين اللي بالجامعة

مشكلتي مع الناس اللي تتكلم وتنصح واهي مو مقتنعة!!!! ما افهمهم هالملاقيف كلش كلش مادري منو اللي قالهم انهم اتوا للارض اوصياء على البشر!!! شخصيا لا اتكلم الا اذا شفت شي فعلا يضيق خلقي واذا شفت ان في امل ان الامر ينصلح - لان مو كل الناس تاخذ النصيحة بصدر رحب واللي بينصح لاجل النصح (مو علشان يتشيحط) المفروض يقدر هالشي قبل لايبطل حلجه
بس هذا الفرق بين اللي بيستشرف واللي نيته صافية


غبي اللي يكرر الغلطة مرتين. مو يا اخت اسماء يوم انج شفتي اسماء لايعة جبدها منج غيري اسلوبج معاها!!!!!

واكو غير اللي بيستشرفون. اكو الناس اللي تفكر بالامور على انها ابيض واسود، واللي تظن ان البشر روبوتس يجب ان ينصحون كل ماشافوا فعل خاطئ. انا كنت من هالناس ونيتي كانت صافية بس قل الخبرة جعلني افعل ما افعل وانا احسب ان هذا هو اسلوب الحياة المثالي. مادريت ان احنا بشر وعلى قدنا مهما تفكرنا وتعبدنا.. غباء ههههه

صبا يقول...

كل عام وانت بخير وسعاده

ماره اسلم

:**

حياتي هدف مو عبث يقول...

Marwah Albahrani

حصل غير أختي :))

حياتي هدف مو عبث يقول...

انونيمس بالعربي

هاهاهاها
التعليق اضحكني :))))

حياتي هدف مو عبث يقول...

صبا

وانت بخير وصحة وعافية ياارب

:****