لأ لأ لأ إلا الكآبة

من وقت لي وقت طبيعي إنك تحس بالكآبة حتى لو شوي،يمكن أحد يسميها بإسم ثاني أو مايدري شنو اهيا أصلاً أنا يتغير مزاجي بشكل سريع وكبير وممكن إني أتحوّل من شي إلى شي ثاني مختلف تماماً عن الشي الأول،حاولت أكتب بعض الأشياء اللي تحوّلني إلى الكآبة وأكيد كل شي وله درجته من الكآبة.

1- النوم المتخربط إني أنام النهار وأقعد بالليل هذا يقلب جبدي والصداع يقتلني والكآبة تكون موجودة وقتها

2- الأكل الكئيب في حقيقته: البطاط المعكرونة الخبز والعيش ممكن يكون شعور حلو وأنا أكل لكن بعد ما اخلص الكآبة تكون مصيري

3- مايكون عندي فلوس حتى لو مابي اشتري شي المهم تكون الفلوس موجودة

4- الجو الحار الحار اللي حتى العباية تصير لازقة مادري شلون اشرح

5- الجو البارد البارد اللي حتى ايدي جنّه مافيها دم ويصير لونها أبيض على أزرق وتصير جافة

6- إذا ما نظفت أسناني باليوم مرتين أحس بشي كئيب

7- إذا طلعت من البيت وأنا عطشانة

8- إذا صارلت ريلي مو نظيفة من الجو أو الجوتي

9- إن قعدت مع الناس مو عاجبهم شي ولازم يطلعون بكل شي علّه

10- إذا قعدت من النوم وما شفت أمي بالبيت

11- إذا نمت وتلفوني يمي وبعز نومي يرن ويطلع شي سخيف

متأكدة لو بكتب عن الأشياء اللي تفرحني بتكون أكثر من الكآبة اللي فوق لكن هذا تصريف لشيء في بالي

وللراحة الكتابية والنفسية

أبعد الله عنكم الكآبة وأسبابها

:D