2009/02/10

متضايقة





قبل اشوي الساعة 8 كنت توني ياية بنام عشان أقعد الظهر ولا يوصلي مسج غثني غثني بشكل مو طبيعي طير النوم من عيني حاولت أرد بلطف كثر ما أقدر لكن الأسلوب اللي قاعد يوصلي أبد مو مريح ومن بعد الحكي بالمسجات حسيت بصدمة كبيرة ما توقعت هالشي لأني سألت عن هالأمر ووضح لي أكثر من شخص والمشكلة أحد هالأشخاص حيل حيل أثق فيه ولا يمكن يجذب عليّ وهذا اللي صدمني أكثر معقولة الجذب سهل ؟ معقولة الجذب ما يعرف لا إحترام ولا حب ولا تقدير ولا إخوة ؟ نفسيتي تعبانة وااايد وبعد هاللوية تتصل عليّ صديقتي تقولي خبر خلاني خلاص صج صج ما أستحمل ليش دايماً الأخبارة التعيسة تي مع بعض وورا بعض ؟ ليش الناس صايرين جذي ؟ افففففف أحس إني مختنقة ومغفلة إني صدقت الكلام الجذب وعلى بالي صج أحس كل اللي صار مو صج أحسه حلم

هناك 26 تعليقًا:

قانونى كويتي يقول...

الواحد لازم يعطى الثقة لمن يستحقها


وبعدين هم الواحد لازم يتلقى الصدمات

برحابة صدر

ولا يستسلم لها


وكنت اتمنى ان تقولين شنو صار بالضبط

علشان الكل يستفيد من الحالة اللى تمرين فيها


على العموم سلامات

تحياتى

Najmah يقول...

هونيها ماتهون
ماكو الا العافيه ان شاءالله
انتي بس وسعي صدرج
وطولي بالح
وسحابة صيف وتمر
:))
اكيد في سوء تفاهم
ويعدي ويطوف بالطيب والهداوة
بس هدي بالج
ولا تتضايقين
ترى الدنيا ماتسوى
:**

غير معرف يقول...

dont give in to negativity. It will get to you if you let it. ay shay that comes your way accept it.

غير معرف يقول...

اهلين حياتي هدف :)
اختي الغاليه ضاق خلقي عليج ماابي اسمع عنج الا كل ما يسر
اختي لا تقهرين نفسج و لا تنقثين ادري الجذب لمن يكون من شخص تثقين فيه وقريب لج راح يكون صدمه اكيد و ماراح تتقبلين
((و عسى ان تكرهوا شيئا و هو خير لكم ))
فسبحان الله احنا دايما ودنانسمع كل شي زين بس ساعات نمر بمواقف نتكدر فيها سواء من قريب او بعيد فيمكن هالموقف يهزنا و يأثر فينا بس يكسبنا مناعه ضد هالمواقف فيهون عليج الشي بعدين
ان شاء الله ماتعرضين حق هالمواقف مره ثانيه و عسى الله يمسح على قلبج و يسعدج و يلهمج الهدوء و السكينه يارب
اخليج بحفظ الله و رعايته اختي الغاليه:)

Corpse Bride يقول...

Welcome to the Real Life

في ناس الجذبه ناطره على طرف لسانه..
ناطره موعد الانطلاق..ملونه.. ابيض واسود..ومرات على الموضه..

الي جذب عليج نقص من احترامه وهيبته جدامج..والله يكون في عونج لان صعب التعايش مع نمونه من الناس..خاصه لما يكون لهم قدر عندج ويطيحون من عينج..

وعلى طاري الاخبار التعيسه الي ورى بعض..اذا حسيتي ان هالخبر تعيس تلاقين في الي اتعس منه..فتحمدين ربج على الخبر الاولي.. والثاني.. ما تدرين الثالث شنوو..

احساس انج مضحوك عليج لانج صدقيتي..فاهمته وحاسه فيج ..يمكن لاني مريت فيه..بس صدقيني الغلط مو فيج..انتي الصح..هالشي المفروض يريحج..الطيبه مو غلط ولا عيب ..بس يمكن ثقتج كانت مو في محلها..

طولتهاااا..

هدي بالج ..

سلام..

جنون الصّمت يقول...

اصعب شعور واصعب موقف ..
صج حزتها تصيرين ما تعرفين عدوج من صديقج وتشكين حتى بنفسج
الله يعينج :(

nikon 8 يقول...

الله يكون في عونج .... حاسة فيج :(
ما ورا الضيق إلا الفرج
والصدمات تفتح عيونا المغمضة على حقيقة البشر .
تحياتي :)

SHAHAD يقول...

اسم الله عليج من الضيقة

لا تتضايقين .. ولا تحرين نفسج
الجذب صار عادة لكثير من الناس
حسااافة على أيامنا معاهم !
مرات ننخذع بصدقهم ونتفاجأ بأنانيتهم وجذبهم
الله يعين ..

Unknown يقول...

مساء الخير اختي لطيفه..اناقريت عن الي كاتبته اليوم بمدونتج واول شي احب احييج على هالكتابات واقولج الضيقه بعدها فرج انشالله والدنيا علمتنا انها كل ماضيج بشده ربج يفرجها ويعوض بشي اطيب منه..قولي عندي رب كبير ولاتقولين عندي هم كبير

عالعموم انا شفت مدونتج بالصدفه لما كنت اتصفح وبشوف الحدسيين شمهببين اليوم بالمجلس(:
وفرصه سعيده انشالله وفمان الله.

وسيشهد يقول...

يقول تعالي " ألا بذكر الله تطمئن القلوب "

ذكري الله و مافيج الا العافيه انتي شكلج مكبره الموضوع عالفاضي خبر موزين خير يا طير اوكي موزين او في مشكله بكل بساطه قولي الله يفرجها و بس لا تفكرين وايد و تعورين راسج و قلبج مافي شي يسوى

عيشي يومج و حاولي تستفيدين من التجارب الزين منها و الشين

AliMorning يقول...

قبل فترة قريت كتاب الوسائل المفيدة للحياة السعيدة للشيخ عبدالرحمن السعدي ونقلت ثلاث فقرات عجبوني بالكتاب بنقلهم مرة ثانية اهني:



العاقل يعلم أن حياته الصحيحة حياة السعادة والطمأنينة وأنها قصيرة جداً، فلا ينبغي له أن يقصرها بالهم والاسترسال مع الأكدار فإن ذلك ضد الحياة الصحيحة، فيشح بحياته أن يذهب كثير منها نهباً للهموم والأكدار.

---

ومن الأسباب التي تزيل الهم والغم والقلق، الإحسان إلى الخلق بالقول والفعل، وأنواع المعروف، وكلها خير وإحسان، وبها يدفع الله عن البر والفاجر الهموم والغموم بحسبها، ولكن للمؤمن منها أكمل الحظ والنصيب، ويتميز بأن إحسانه صادر عن إخلاص واحتساب لثوابــه
فيهون الله عليه بذل المعروف لما يرجوه من الخير، ويدفع عنه المكاره بإخلاصه واحتسابه، قال تعالى: (لا خير في كثير من نجواهم إلا من أمر بصدقة أو معروف أو إصلاح بين الناس ومن يفعل ذلك ابتغاء مرضات الله فسوف نؤتيه أجراً عظيماً)
---

ومن أكبر الأسباب لانشراح الصدر وطمأنينته (الإكثار من ذكر الله) فإن لذلك تأثيراً عجيباً في انشراح الصدر وطمأنينته، وزوال همه وغمه، قال تعالى: (ألا بذكر الله تطمئن القلوب) (سورة الرعد: آية 28) فلذكر الله أثر عظيم في حصول هذا المطلوب لخاصيته، ولما يرجوه العبد من ثوابه وأجره.

حياتي هدف مو عبث يقول...

قانوني كويتي


أعتقد لازم تلقي الصدمات يكون
أكبر من الثقة
الله يسلمك
:)

حياتي هدف مو عبث يقول...

نجمة

اشرايج بالنوم اللي مجافيني
كله منه :(
مشكوورة واايد :*

حياتي هدف مو عبث يقول...

p0ach.com

اهيا الصدمة كانت بوقتها فقط
لكنها عدت وتبخرت مثل غيرها

حياتي هدف مو عبث يقول...

بنت جبلة


اي والله وكلام الله اهوا اللي يريح
والصدمة من الشخص أكثر من الحدث
هذا أثر فيني أكثر
الحمدلله أنا الحين وايد أحسن
مشكوورة أخيتي :*

حياتي هدف مو عبث يقول...

Corpse Bride


لكن هالاشخاص ما يدرون الشي لي انكسر ما ينرد أبداً وأكس على طووول ماعندي نقاش

والاخبار اه منها جنها ما تصدق تي ورا بعض بس الحمدلله على كل حال
وصحيح الثقة ما كانت في محلها
:)


بالعكس استانست من ردج ريحني
مشكوورة :*

حياتي هدف مو عبث يقول...

سارة

الله لا يوريج الاحساس الخايس
بس تلاشى لله الحمد
:*

حياتي هدف مو عبث يقول...

nikon 8

واه من حقيقة البشر
بس دام رب العالمين موجود
ما ينخاف منهم
:)

حياتي هدف مو عبث يقول...

شهد

تدرين تضايقت بس ما تحسفت
لأنهم بينوا لي اهم شنو
وشكراا لهم عطوني درس
ما انساه واتعلم منه

حياتي هدف مو عبث يقول...

a320-pilot

مساء النور
مشكوور على الكلام الطيب
والحمدلله على كل حال
:)
الحدسيين مولعينها وينونون بكل صووب
:)
بس منو أنت ؟

حياتي هدف مو عبث يقول...

الصقر

صحيح انا واايد عطيت الموضوع والاشخاص أكبر من حجمهم لكن الصدمة ما توقعت هالشي هذا اللي أثر فيني
الحين أنا زينة
مشكوور واايد :)

حياتي هدف مو عبث يقول...

بو حسين

الله كلام جداً إيجابي ومريح

الله يريحك ويشرح صدرك

ويزاك الله كل خير

إمـرأة لا تُنسـى يقول...

الجذب ان صار عادة.. صاحبه يصدق جذبته

اعرف ناس من هالنوع، يجذبون في صغيرة وكبيرة، وأحيانا في مواقف ماله داعي للجذب! .. لكن لما يكتشفون ان في احد يجذب عليهم، تقوم القيامة ويهاجمون بشراسة!

اشفق على حالهم.. لأن هذا مرض نفسي


ليش في بعض الناس تعتبر الجذب هو شي من الدبلوماسية، والمجاملة الاجتماعية؟؟؟

غير معرف يقول...

ما تشوفين شر اختي

لا باس عليك

حياتي هدف مو عبث يقول...

إمـرأة لا تُنسـى

أه من الناس يا أخيتي
يخرعووون
واللي يجذب هذا مرررريض نفسي

حياتي هدف مو عبث يقول...

عمر الثويني


الشر ما ييك يا عمر
شكرااا :)