الشايب الطيب النجري والأخ سليمان

صار لي موقفين يخرعون ويضحكون الأول مع الأخ سليمان والثاني مع الشايب الطيب النجري
.....

الأخ سليمان بنغالي
قبل سنة تقريباً كنت رادة البيت الظهر توني بنزل ولا يقول سلام شلونك ؟ زينه مع تعابير بريئة قلت زينه ؟ تبي شي ؟ أي ماما أنا جارج خربان يبي جارج قلت شنو موبايلك شفته ودورت له بالبيت وعطيته يه اليوم الثاني سلم وقال أنا يبي إقامة ووو وطبعاً اهوا يصيد الوقت اللي أرد فيه البيت قلت له أنا ما أعرف قالي قولي حق بابا ؟ قلت بقلبي مالت .. قلت أوكي أوكي بقول حق خالي بس إذا عصب عليك أنا مالي شغل قالي أوكي قلت خلاص تعال باجر قال لأ بكره في دوام وطلّع موبايلة عشان يحفظ رقمي أنا قلت أوكي وخذيت رقمة وحفظتة وقال دقي مس كول طبعاً أنا دقيت ما فكرت وقالي يبي ملابس حق مرته وعياله قلت أوكي وراح وانشغلت ما قلت حق خالي ولا أحد عن سالفتة بعدين صار عطلة شي جذي وبعد يومين رن موبايلي بليل الساعة 11ونص تقريباً شفت ولا الأخ سليمان وخالتي كانت يمي رديت ولا يتكلم غير عن يوم يتكلم بالصج يتميع بالكلام مادري شلون بس ما ارتحت فقلت حق خالتي بسرعة جان تكلمه واتزفة واهوا سدة ابويهها وانتهت السالفة هذه اللي صارلها سنة تقريباً وقبل كم أسبوع كنت خلاص مالي خلق شي ورادة البيت وفيني النوم بس وتعبانة ولا أشوفه ياي عند البيت قلت وليييه هذا من وين طلع جان يقولي سلام شلونك والكلام المأخوذ خيره وطلع لي ورقة مالت إقامة ويبي أحد يكلم كفيلة علشان يتنازل شي جذي قلت ما أعرف الريال جان يقول لأ هذا ورا بيتكم وقال إسمه قلت ما أعرفه شسوي وقام يجذي ويقول أنا بسافر وصارلي 4 سنين مو شايف عيالي ومرتي ويبي جوووتي له وعباية لمرته وأغراض لمرته قلت خلاص خلاص تعال باجر أنا كنت بساعدة صج بس افتر مخي ونسيته باجر شفتة قلت له خلاص خلاص تعال باجر أكيد أنا نسيت اليوم صار باجر جان يقبل علي يضحك قلت أنا أعلمك كنت أتكلم بالموبايل وأشرت له بيدي انطر دخلت البيت وناديت خالي يزفه وقلت شنو شايفتي راعية إقامات ولا بياعة جواتي ترى غثتي من متى واهوا جذي وقلت له السالفة على السريع وفكة ارتحت منه

>>>
سالفة الشايب الطيب النجري

في مكان تدريبي الميداني في بنات يدرسون فاليوم انقردت ومريت عند ملوت الإستئذان وكان في 3 بنات غيري جان ييي الشايب حقي يبي يطلّع بنته سألته عن اسمها وبعض التفاصيل وطلبت بطاقتة المدنية جان يعصب ويقولي لا اتضيعين بطاقتي ضحكت قلت ان شاء الله ماراح أضيعها بس بجيك على الإسم والرقم جان يشكي الحال من بعد منطقة سكنة ومكان دراسة بنته وانه ريال كبير وعنده عيال واايد وأذية أنا اتوهقت شقوول هاها قلت الله يعطيك الصحة والعافية حقرني وكمل التحلطم المهم دقيت على الدور اللي في بنته عشان تنزل قالوا الحين تنزل جان يرد يتحلطم ويسألني انتي شسمج ؟ من بنته ؟ شصلج ؟ وين ساكنة ؟ ودي أحقرة بس أسوي نفس ما اسمع يرد السؤال بصوت عالي ويقول لطيفة ون ساكنة ؟ لطيفة شصلج ؟ عاد اهوا شيّر اسمي على باله فاطمة وشيّر أصلي قال قبيلة ما أحبها وقال منطقة ما أواطنها وقعد يحن بنته تأخرت وقال جيبها ههههه قلت بقلبي شنو طلب مطعم ؟ رحت أنا أناديها ولا الأخت وينها رايحة طالعة مع صديقاتها وتوهقت شقول حق أبوها فقلت له دق عليها لأن ما أدري أي محاضرة عندها الحين جان يقول لأ ما عندها تلفون أنا خلاص قلت راح يصير فيه شي حرام جان أنادي وحدة ثانية اتكلمة الهبلة قالت له بنتك مو موجودة طالعة جان يقول يالجذابين يالـ؟؟؟؟ يالـ؟؟؟؟ ماكو كلمة ما قالها أنا انحشت من الخرعة
ودش على المدير هههههههه سفل فيه وأنا ورفيجاتي خلاص مو قادرين اشوي ويصير فينا شي من الضحك وطلع برا وأنا رديت مره ثانية ولا جذي 10 دقايق ورجع مره ثانية ولا يقولي من بعيد انتي انتي جيبي بنتي أنا ما تحملت جان أبطها ضحك من قلب ولفيت ويهي جان يقول يا لطيفة جيبي بنتي أنا ما أضحك علية كشي غلط لكن الشياب يضحكون وخاصة البدو منهم حتى بالعصبية يقطون قطات اتضحك والمشكلة مو حافظ الا ويهي واسمي وفي بنات غيري أخر شي على باله إن احنا حاكرين بنته ما نبيها تطلع الا بالوقت المحدد ومو امصدق انه بنته مو موجودة بالمكان كسر خاطري ناس عندها ابو وجذي اتسوي مينن وبعدين قال بروح أجيب بنتي من المدرسة وأرد ألقى بنتي موجودة ولا يا ويلكم ولما راح يت الأنسة بنته ولا مو خايفة على أبوها ولا اتحاتيه خايفة من إدارة المكان ؟؟؟؟؟؟؟
.....

>

>
تعبت من الكتابة وعيوني اتعورني
تصبحون على خير
:)