2010/04/01

لاعت جبدي






تقعد من النوم .. تتريق



تروح الدوام أو الكلية أو المدرسة .. تاكل



قعدت مع ربعك .. تاكلون



تمشي بالشارع نشوف اعلانات .. أكل



تقرأ الجريدة صور .. أكل



رحت السينما .. لازم تأكل



تجمّعت مع الأهل .. عشا وغدا والعصاري والمغربية يعني الحلج امبطّل ما يتصكّر



تبي تدرس حق الامتحان .. لازم تأكل عدل




طلّعت عيالك ولعبوا وخلصوا .. ها يبه شنو تبون تتعشون ؟




معارض وحالتهم حالة كلها .. أكلxأكل




رحت الديوانية .. لازم عشا ولا خرابيط الأكل




تقرأ المدوّنات .. أكل ومطاعم



نجح فلان .. يلا وين العشا ؟



تخرّج علاّن .. متى البوفية ؟



نطالع تلفزيون .. لازم الحلج يتحرّك



قاعد تشتغل على اللابتوب .. لازم شي يسلّي يمك



كل يوم مطعم يديد .. كل يوم وجبة



الله الجو حلو .. امشي نتمشى وبعدها انروح المطعم ...



فريقك خسر كاك .. العشا عليك



أخر العرس .. بوفية



حتى العزا صاير فيه بلعة



وين ما أروح لازم في أكل




بس رحموني








:(














هناك 23 تعليقًا:

AuThoress يقول...

بساطة .. لا تاكلين إلا حين تجوعين :)

عاجـل يقول...

مو كل بلعة بلعة
أكو شغلات ما تتطوف واكو اكل شفاحة

الحل بسيط تفرجي وقولي التالي

حلجي فيه نفره
توني ماكلة معجنات
ضرسي يعورني
العصب

لا تقولين عاملة ريجيم ترى مكشوفة يعني اكلكم ويع

joe يقول...

بالعكس احلى شي الاكل ولا جمعه بدون اكل ماتسوى لووول هالايام وين انروح كله انفكر انروح مكان نتمشى فيه بعدين ناكل

كلااامج عين العدل خاصه باليوم الواحد نااكل بشكل مو طبيعي

~ هند ~ يقول...

D:

صااااااااااااااجه

غير معرف يقول...

حيــاتي هدف مو اكل:]
اختي مدونة رائعة وانا من اشد متابعينك واصلي

kal ho na ho يقول...

رحماااك يارب ..رحمااااك..
خلاص عززوا فينا ثقافة الأكل..لدرجة مانستانس إلا لما ((الحنوج تجتر))!!

أقترح على اللي يبي يتخلص من هالمشكلة يشتري بطل ماي صحة .. ويصبه بقلاص فلين .. (ويعنني) أشرب عصير.. العوض ولا القطيعة!!


ودمتم

فريج سعود يقول...

على الغدا يقولون شنو تبون عشا

panadool يقول...

نفس الحالة

صار الاكل فى كل مكان

تحياتى

Peace يقول...

ما عندنا شغله غير الاكل

و الكل صاير شيف

و المعارض اكبر دليل

ميشوو يقول...

واخيييييييييرا اكو احد حـس بالهسالفه غيري,,

صج صج مجتمعناا صاير قصته بس الاكل الا من رحم ربي,,

طبعاا ماكو غيري متعذب لان هالسالفه تخرب رجيماتي هع


الله يجزااااكـ خييير :)

شاي الضحى يقول...

لوووول


الله يعينه :q

حتى بالبلوقات اكل

عبدالرحمن يقول...

ههههههههههههههههههههههههههههههههههه

صاجه والله شي غريب

اتوقع اسوأ عادات غذائيه على مر تاريخ الشعوب اهي بالكويت هل ايام



الناس حتى اذا بيغيرون جو يروحون مطاعم !!

'3ShMrGiaH يقول...

تقدرين تخلين الاكل عباده وتكسبين اجر

اذا خليتي نيتج انج تاكلين عشان جسمج له حق عليج..وان مثلا اكل عشان اقدر اعبد الله واقوم اصلي واروح الدوام واقدر اشتغل واعمر الارض وووو
بالعافيه

daggero يقول...

سبحان مغير الأحوال

ذكرتينى بأيام الغزو وبعد التحرير مباشرة لما الأكل وأنواعه كانت محدودة والحين الخير تارس الديرة

اللهم دومها نعمة وأحفظها من الزوال

وجمعة مباركة

bokeh of magic * يقول...

فريقك خسر كاك .. العشا عليك

هههههههههههههههههههههههه
و الله كلامج صح , انا ملاحظه انه وزني زايد فقلت لازم اراقب شنو اكل اكتشفت اني وين ما اروح اكل ماكو شي اسويه غير الاكل !

Slashy يقول...

لوووووووووووووول موتيني من الضحك لطوف انتي حدج تينيين :***

انزين حاولي لمن تاكلين, تاكلين شي خفيف لأنج اذا قلتي مابي بقولون اييي اكيد مسويه ريجيم وهالحجي الفاضي تعرفينهم بعد

ebtsamh يقول...

الفراغ وما يسوي :)

reemas يقول...

لا تطلعين من البيت و وخري عن العزايم
و خلي مزتج في البيت خيار و جزر و شوية فواكه

Frankom يقول...

صايرة مثل فرانكوم

:)

AM.SA.CHANNEL يقول...

هههههههههههههه هي و الله ما أدري ليش حياتنا كلها أكل وين ماتسيير أكل و لو تلاحظ اليمعات و يا الربع لازم أكل ههههه

غير معرف يقول...

اي ولله بهذي صدقتي اكل 24 اقترح تنامين 24بعذي طريقه ماراح تبطلين حلقج موليه..طريقه مجربه هههع

may يقول...

:/

وانا اكتب ردي توني مخلصة الغدا

;)

have a nice day

حياتي هدف مو عبث يقول...

AuThoress
هذا الحاصل .. لكن كل مارحت مكان فيه أكل :)


عاجل
ويني ووين الريجيم
عذري كان .. توني ماكله
بس عجبتني ضرسي يعورني
بجربها :)



المباركية
الأكل حلو .. بس اتمل إذا كل ما سويت شي لازم يبدي بالأكل أو ينتهي فيه
واليمعات اهي العامل الأكبر بالأكل



هند
:*


غير معرف
هاهاها عجبتني
شكراً على الكلام الطيب :)


kal ho na ho
لا مو مسألة إجبار
لكن الحياة والطلعات صارت مقترنة بالأكل .. أمر مقرف نوعاً ما !
حياك الله خيتي



فريج سعود
هاهاها
أمي الله يحفظها
لما اتغدا تسأل شنو تبين الغدا باجر
يااااربي .. اتحسسني بالذنب لأنها اتذكرني إن باجر راح أكل بعد


باندول
حتى الياهل لي بجى يعطونه أكل عشان يسكت
هذه حاله بالله !


بيس
ولا نصهم .. مو اهم اللي يسوونة
:)



ميشوو
أي ريجيم أي بطيخ
العيشة هذه مو مال ريجيم هاهاها
وإيااااك :)



شاي الضحى
عاد جم مره أشوف كم بوست
أيوع وأكل P:



عبدالرحمن
أنت جيّك منو ماعنده كرش
ولا جم كيلو على الجوانب هاهاهاها


غشمرجية
الله يعافيج ..
طبعاً بس قصدي شي ثاني أنا
:)


daggero
اي والله
الحمد والشكر لك يارب
وعسى ما تنعاد هالأيام


*Being One
ووقت الأكل ننسى كل شي
هههههه :)
الله يعين ويبعدنا عن الأكل



5/4
انتي اللي اتينين:**
مره كنت فعلاً مخففة أكل
قلت لأ مابي
قالت وحدة: عشتوا امسوية ريجيم؟
امبيه اشتبين ؟
واللي يسألون جذي أكثرهم أفاااات
ههههههههههه


ابتسامة
حتى المؤتمرات الطبية أخرها بوفية
:)
ماله شغل بالفراغ


ريمس
اي اتصدق أمي قالت لي
القعدة بالبيت اتخفف الأكل
والله يعينه


فرانكوم
وأزيد هاهاهاها :)



AM.SA.CHANNEL
يعني لما انروح مكان
مافيه أكل
اتحسين شي غريب هههههههه :)



غير معرف
ماكو شغل



مي
بالعااااافية :)