2009/02/26

ليش جذي ؟

بعض المرات أحس إني قاسية حيل وتموت مشاعري اتجاه شخص معين كان في إختلاف بينا أو سوء تفاهم لكن بس أطووف الأيام أو أشوف هالشخص أنسى كل شي وقسوتي تروح لكن دايماً أشوف الشخص صار أقسى ويعتبر هالشي ضعف مني لكن شسوي اذا أنا ما أهتم وأنسى حتى لو كان هالشي ضدي ما أنكر إني ممكن يكون قلبي مثل الحجر لكن أحتاج كلمة طيبة تخليني أتغيّر ويرد قلبي نفس ما اهوا وهممم يرد قلب الثاني نظيف عليّ
ليش ما عادوا الناس يتكلمون كلام طيب مع بعضهم ؟
مو غباء ولا سذاجة إذا قلت كلمة طيبة ترى ماراح تخسر شي

هناك 16 تعليقًا:

ساره النومس يقول...

:(

نفس الحال لولو ، خسرت اعز الناس بسبب هالشي ..

حدي متضايقة لا تتسرعين لولو علشان ماتندمين مثلي :(

~ هند ~ يقول...

صدقتي ..


متابعه دائمه :)

غير معرف يقول...

وخيتي .. زين ما تسوين خليج طيبة
على لأقل مرتاح بالج وقلبج صافي
أصلا يا هنيج بصقتج هذي .. تعتبر من أحسن الصفات واكرمها

ولا تنسين التغافل من شيم الكرام

بعدين دامج تسوين كل شي لله
الدنيا أكيد بخير ..

وأتوقع انج اكيد احسن منهم وتطلين بياض الويه

تحياتي

عفره يقول...

امي دايم تقولي
صفي قلبج يصفا لج كل شي
المهم أنتي وقلبج انتي
اذا شافوا منج الطيب بيستحون على سواتهم وبيردون بطيب

قابلي السيئة بالحسنه
وانتي الي بتفوزين بالنهاية

بوفهد يقول...

وانا اخوك بعض ناس ماعاد يهمها

الجوهر تركض وتلهث ورا الشكل .

وقلبك يتضايق لانه في داخله تحلطم على

مشاعر وتصرف الناس الي يهمك أمرهم ..

وليس كل مايتمناه المرء يدركه.

واللسان يكسر العظام .. والعجيب

مافيه عظم .

والطيب لأهل الطيب.

enter-q8 يقول...

ما ادري لكن مافي اسهل من قفلت الباب و لا اعور راسي

حياتي هدف مو عبث يقول...

طموحة مملوحة

الناس صايرين ما يحسون
أستغفر الله

حياتي هدف مو عبث يقول...

هند

يااه أخيراً مدونة :)

حياج الله وتسعدني متابعتج

حياتي هدف مو عبث يقول...

حجر كريم


الحمدلله على كل حال أختي

حياتي هدف مو عبث يقول...

عفرة

بس في ناس ما عندها حيااا
للأسف
لكن الحمدلله على كل حال

حياتي هدف مو عبث يقول...

بو فهد

لو الناس ذول يهمنا أمرهم
جان ارتحنا وريّحنا

الله كريم

حياتي هدف مو عبث يقول...

Enter-Q8

الرياييل دايم جذي
لا اتكبرون الموضوع
قمت أشك عندكم مشاعر
:p

SHAHAD يقول...

بالكلمة الطيبة تملكين اقسى القلوب

ياليت الناس تفهم هالشي

مرات لما نزعل ما نحتاج إلا كلمة طيبة تطيح الحطب كلله

حياتي هدف مو عبث يقول...

شهد

الظاهر ما يعرفون
إن الكلمة الطيبة صدقة

غير معرف يقول...

مرات ما تستلطفين الشخص لكن ربي يعينج على لسانج تخافين تجرحينه بكلمه وتحاسبين عليها .....

لكن وقتنا الحين الناس مو قادره تخش اللي بقلبها من كره من حسد وتشوفينه بنظراتهم وبنبرات أصواتهم ....
الوقاحه أحسها متفشية ألحين

حياتي هدف مو عبث يقول...

غير معرف

صحيح النظرات والعيون عموماً
اتبين أكثر سواء كان كره ولا حب

الله يعينا على الكلمة الطيبة