بعض المرات أحس إني قاسية حيل وتموت مشاعري اتجاه شخص معين كان في إختلاف بينا أو سوء تفاهم لكن بس أطووف الأيام أو أشوف هالشخص أنسى كل شي وقسوتي تروح لكن دايماً أشوف الشخص صار أقسى ويعتبر هالشي ضعف مني لكن شسوي اذا أنا ما أهتم وأنسى حتى لو كان هالشي ضدي ما أنكر إني ممكن يكون قلبي مثل الحجر لكن أحتاج كلمة طيبة تخليني أتغيّر ويرد قلبي نفس ما اهوا وهممم يرد قلب الثاني نظيف عليّ
ليش ما عادوا الناس يتكلمون كلام طيب مع بعضهم ؟
مو غباء ولا سذاجة إذا قلت كلمة طيبة ترى ماراح تخسر شي
هناك 16 تعليقًا:
:(
نفس الحال لولو ، خسرت اعز الناس بسبب هالشي ..
حدي متضايقة لا تتسرعين لولو علشان ماتندمين مثلي :(
صدقتي ..
متابعه دائمه :)
وخيتي .. زين ما تسوين خليج طيبة
على لأقل مرتاح بالج وقلبج صافي
أصلا يا هنيج بصقتج هذي .. تعتبر من أحسن الصفات واكرمها
ولا تنسين التغافل من شيم الكرام
بعدين دامج تسوين كل شي لله
الدنيا أكيد بخير ..
وأتوقع انج اكيد احسن منهم وتطلين بياض الويه
تحياتي
امي دايم تقولي
صفي قلبج يصفا لج كل شي
المهم أنتي وقلبج انتي
اذا شافوا منج الطيب بيستحون على سواتهم وبيردون بطيب
قابلي السيئة بالحسنه
وانتي الي بتفوزين بالنهاية
وانا اخوك بعض ناس ماعاد يهمها
الجوهر تركض وتلهث ورا الشكل .
وقلبك يتضايق لانه في داخله تحلطم على
مشاعر وتصرف الناس الي يهمك أمرهم ..
وليس كل مايتمناه المرء يدركه.
واللسان يكسر العظام .. والعجيب
مافيه عظم .
والطيب لأهل الطيب.
ما ادري لكن مافي اسهل من قفلت الباب و لا اعور راسي
طموحة مملوحة
الناس صايرين ما يحسون
أستغفر الله
هند
يااه أخيراً مدونة :)
حياج الله وتسعدني متابعتج
حجر كريم
الحمدلله على كل حال أختي
عفرة
بس في ناس ما عندها حيااا
للأسف
لكن الحمدلله على كل حال
بو فهد
لو الناس ذول يهمنا أمرهم
جان ارتحنا وريّحنا
الله كريم
Enter-Q8
الرياييل دايم جذي
لا اتكبرون الموضوع
قمت أشك عندكم مشاعر
:p
بالكلمة الطيبة تملكين اقسى القلوب
ياليت الناس تفهم هالشي
مرات لما نزعل ما نحتاج إلا كلمة طيبة تطيح الحطب كلله
شهد
الظاهر ما يعرفون
إن الكلمة الطيبة صدقة
مرات ما تستلطفين الشخص لكن ربي يعينج على لسانج تخافين تجرحينه بكلمه وتحاسبين عليها .....
لكن وقتنا الحين الناس مو قادره تخش اللي بقلبها من كره من حسد وتشوفينه بنظراتهم وبنبرات أصواتهم ....
الوقاحه أحسها متفشية ألحين
غير معرف
صحيح النظرات والعيون عموماً
اتبين أكثر سواء كان كره ولا حب
الله يعينا على الكلمة الطيبة
إرسال تعليق