2009/01/05

الجو حلو .. صح ؟







قال الرسول صلى الله عليه وسلم :
من دعا إلى هدى كان له من الأجر مثل أجور من تبعه لا ينقص ذلك من أجورهم شيئا

ومن منطلق الحديث السابق نذكر هذا الحديث

عن أبي قتادة رضي الله عنه قال : سُئل النبي صلى الله عليه وسلم عن صيام يوم عاشوراء ، فقال :
إني أحتسب على الله أن يكفر السنة التي قبله



مراتب صيام يوم عاشوراء

أكملها : أن يُصام قبله يوم وبعده يوم ( يوم الثلاثاء والأربعاء والخميس )
ويلي ذلك : أن يُصام التاسع والعاشر ( يوم الثلاثاء والأربعاء )
ويلي ذلك : إفراد العاشر وحده بالصوم ( يوم الأربعاء )

وثم يوم الجمعة ويصادف الـ 12 من محرم

بعده يوم السبت 13 من محرم
الأحد 14 من محرم
الإثنين 15 من محرم

وهذه ثلاث أيام وهي الأيام البيض وقال الرسول صلى الله عليه وسلم:
صيام ثلاثة أيام من كل شهر صيام الدهروأيام البيض صبيحة ثلاث عشرة وأربع عشرة وخمس عشرة


وممكن الجمعة يكون تطوع دام قبله يوم صيام أو بعده
الجو حلو وبارد والنهار قصير فالصيام يصير سهل وخفيف وممتع
واللي عنده دين خل يستغل هالأيام أسهل وأريح من الحر والقامت اللي راح يي


:)

note
في ناس تقول الثلاثا عاشوراء
وناس تقول الاربعا
انا اقول حتى بعاشوراء في اختلاف
فكل واحد يصوم اللي يبيه وكيفه متى يبي عاشورا
والنية اهم شي
حتى عاشوراء صار نفس العيد ورمضان
أستغفر الله
:/

هناك 45 تعليقًا:

mo3ath يقول...

يزاج الله خير كنت متلخبط بالتاريخ

nice templates BTW ;)

i wasn't around with my comments but i read every post you publish , kind of silent reader :)

محمد سعد القويري يقول...

الأخت حياتي هدف موعبث
بداية أسعد بكوني أول المعلقين
ثم جزاكِ الله خيرا على تذكيرك

وياليتنا خصصنا إخواننا في غزة بدعاء

فالصائم له دعوة لا ترد

تحياتي

esTeKaNa يقول...

صباح الخير
:)
شكرا ويزاج الله كل خير
انا ناويه اصوم بس لما قمت من النوم كان واصلني مسج ان اليوم تاسوعا
يعني الصيام اليوم الاثنين
والثلاثا
والاربعا
:(
وطبعا شربت قهوة من الصبح فما مداني اصوم:(
عموما...عسى ربي يحفظج
ويتقبل منا ومنكم صالح الاعمال يارب

SHAHAD يقول...

يزاااج الله خير
وعسااه بميزان حسنااتج ياارب

BoHSaiN يقول...

الصيام هالايام يذكرني بجو رمضان قبل جم سنة :)
تعودت على رمضان انه يكون بالبرد..

Fankooshy يقول...

لازم نصوم يعني لوول
شكرا عزيزتي :)

Corpse Bride يقول...

عزيزتي حياتي هدف..

يعطيج العافيه على هالتذكير..

ذكرج الله بالشهاده..

وصح كلامج انشالله بيكون سهاله..

والله يتقبله منا منج..

صبا يقول...

بررررررررررررررد

متلحفه :)

شخبارج انتي مع البرد

الجو حلو بس البرد اشوي مكسرنا

وانشالله راح اصوم

ودرسي عاد الجو يشجع على الدراسه

:)

والبوكيه الي فوق حق منو !!!

:***

أبو لطيف يقول...

احسنت

جزاك الله خير

جعلنا الله واياك من المتتبعين للطاعات

حفظك الله ورعاك

joy يقول...

جزاج الله الف الخير
بس قالو تاسوعا اليوم!!!!
انا صايمة عموما

Q8EL5AIR يقول...

عدل كلامج الصيام بهالجو مايتعب ..


فحلو الواحد يستغلها بالطاعة ..


على راسي البوست :)



بس سؤال بسيط ؟

شلون عرفتي مراتب الصيام .. الي اعرفه يايوم عاشوراء او تاسعواء وعاشوراء ؟
بس قبله بيوم وبعده بيوم اول مرة اعرفه ..


فياليت تفيديني اكثر !!؟


وتحياتي ..

ويسلمواااااااااااااااااااا:)

حياتي هدف مو عبث يقول...

معاذ

واياك ان شاء الله :)
المهم تقرا مو تعلق :p
فقدناك وعسى المانع خير :)

حياتي هدف مو عبث يقول...

محمد سعد القويري

واياك ان شاء الله :)
بالطبع الدعاء لا يمكن نسيانه
وخاصة قبل الفطور وجريب الفجر :)
وما ننسى إن شاء الله :)
حياك الله

حياتي هدف مو عبث يقول...

استكانه

صباح النور
العفو واياج يارب
شلون تاسوعاء !!
حسبي معاي الاثنين كان اول يوم محرم
ويصير الاربعا 10 محرم :)
يعني اليوم 8 محرم ..
عموماً النية اهم شي :)
امين يارب وحياج الله

يالقاطعة ;)

حياتي هدف مو عبث يقول...

شهد

واياج ان شاء الله
امين :*

حياتي هدف مو عبث يقول...

بو حسين

يا حلات البرد برمضان
بس انا كله اتذكرره بالحرر والرطوبة
والعطش :)

حياتي هدف مو عبث يقول...

Fankooshy

لا مو لازم :p
بس اهوا سنة من سنن الرسول صلى الله عليه وسلم.. وفرصة لازم نستغلها
وادعيلي اتخرج بامتياز اووكي :))
والعفوو

حياتي هدف مو عبث يقول...

Corpse Bride

الله يعافيج ياارب :)
اميين امين ..
:)))

حياتي هدف مو عبث يقول...

صبا


بررررررد اصابع ريلي ما أحس فيها :(
بس وناااسة هههههههه
اي يشجع الجو يشجع على ثلاث اشياء بس
نوووم .. اكل
او طلعة بس معاها اكل
والاكل متواجد بكل الحالات :p

حق حق حق :p

حق المتلحفة :**

حياتي هدف مو عبث يقول...

ابو لطيف

واياك يارب :)
أمين

حياتي هدف مو عبث يقول...

جوي

واياج يارب
مادري :/
بس اهوا كان يوم الاثنين 1 محررم
وانا اشية على هالشي
بعد في شي يديد :p
ولا تاريخ يديد ماادري
تقبل الله منج ام معيوف :***

حياتي هدف مو عبث يقول...

Q8EL5AIR

اي واايد حلو وخفيف
:)




بالنسبة حق المراتب في احاديث عنها

قال الرسول صلى الله عليه وسلم :
صوموا يوم ‏عاشوراء وخالفوا فيه اليهود: صوموا قبله يوماً، وبعده يوماً


وحديث ثااني بعد هذا

عن ابن عباس رضي الله عنهماأنه قال: حين صام رسول ‏الله صلى الله عليه وسلم يوم عاشوراء، وأمر بصيامه، قالوا يا رسول الله: إنه يوم تعظمه ‏اليهود والنصارى! فقال رسول الله صلى الله عليه وسلم: " فإذا كان العام المقبل إن شاء ‏الله، صمنا اليوم التاسع. قال: فلم يأت العام المقبل، حتى توفي رسول الله صلى الله عليه ‏وسلم


اتمنى اني افدتك ان شاء الله
وسلاااامتك :)

Enter-Q8 يقول...

الجو برد و عندي سكر

حياتي هدف مو عبث يقول...

مو زين لك الصيام ؟
:(
ان شاء الله يروح السكر منك

أحمد الحيدر يقول...

يعطيج العافية اخيتي ..

الظاهر تعليقي ما عجبج اللي ما انشر .. غريبة مع اني مو شايف فيه غلط ياليت تنوريني ..

عموما حضرتج حرة وآسف على الإزعاج ..

alsaronah يقول...

يعطيج العافية يالغالية

جنون إحساس يقول...

جزاج الله خير يا أختي وإن شاء الله نكون من الصائمين :)

جنون إحساس يقول...

ايه صح ترى أفتى مفتي المملكة بإن عاشوراء غداً يوم الثلاثاء بالنسبة للقمر في السنة الهجرية ..
تأكدي من العلومات ونبهي زوار مدونتج

Kuwait يقول...

الله يتقبل :)
وين والاجر قاعد يروح بسبة الاخ وموسيقته لوووووووووووول
شرشحناه :\

حياتي هدف مو عبث يقول...

أحمد الحيدر

الله يعافيك :)

بس أي تعليق ؟؟
ما وصلني الا هذا !!! :/

وأنا أنشر كل التعليقات اشدعوة :)

حياتي هدف مو عبث يقول...

السارونة

الله يعافيج :*

أحمد الحيدر يقول...

والله يا وخيتي العتب على الكبر عيل .. والله اعلم مدونة ثانية نفس المضمون بالضبط بس انا متوهم ههههه ..

عموما كنت قايل : جزاك الله خير اختي وعسى الله يجزي جميع المسلمين أجر وثواب ومغفرة على الأعمال التي يقومون فيها في سبيله . آمين رب العالمين :)



واتمنى ما تواخذينا وتقدرين تمسحين المشاركة الأولى اللي اجتمعت فيها عوامل كبير السن والجوع والتعب والتوهان.. والعجلة من الشيطان ;p

حياتي هدف مو عبث يقول...

جنون إحساس

وإياج يارب :)
سألت قالوا الاربعا عاشورا !!
وهذا على اساس اليوم الاول من السنة الهجرية :)

حياتي هدف مو عبث يقول...

كويت

امين :)
هههههههههههه هذا فلم بروحه أستغفر الله .. ويلا يلا لا تتأخرين على فتوى المطرف :p

حياتي هدف مو عبث يقول...

أحمد الحيدر

لا عادي :)
واياك يااارب ما تقصر

khaled يقول...

السلام عليكم
مدونتك جميلة ومنسقة ولاذم أتابعها وإلى الامام

روح المحبة يقول...

انا وصلني ان تاسوعاء يوم الاثنين وان في مفتي بالسعودية اعلن كده :D
عموما السنة الهجرية بتبدأ كل 8 سنين في نفس الوقت .. ومنها نعرف ان تاسوعاء يوم الثلاثاء ان شاء الله ,,

تقبل الله منك الطاعة ^^

-mate يقول...

انا بصوم اليوم واللي فيها فيها
;q

Alikingkw يقول...

اي والله الجو عجييب

Blog 3amty يقول...

الله يجزاج خير ..

حياتي هدف مو عبث يقول...

خالد

وعليكم السلام ورحمة الله :)

حياك الله .. يسعدني ذلك

حياتي هدف مو عبث يقول...

روح المحبة

انا ماشية على اللي كتبته بالمدوونة
:p
حياج الله يا قميل :*

حياتي هدف مو عبث يقول...

-mate

عاد عطنا دعوه سرريعة
:p

حياتي هدف مو عبث يقول...

Alikingkw

جوووو أكل

:p

حياتي هدف مو عبث يقول...

Blog 3amty

واياك يارب
وصي العمة هالله هالله بالصوم :)