2009/01/12

طبع كريه





في ناس أستغفر الله كآبة .. من أقعد معاهم كله كآبة وتشاؤم ويخلون الحياة سودة يغثووون وانا دايم اقولهم اشدعوة تفائلوا يقولون اي تفاؤل !! يرفعون ضغطي يعني شنو يخسرون لي تفائلوا كله شعوور ماراح ياخذ منكم وقت ولا جهد وبالعكس يريّح احساس التفاؤل.. يوم السبت كان عندي امتحان من كثر ما اهوا سهل احسه صعب شلووون مادري :) وبالامتحان في وحدة اتحن اتحن تقول شنو هالأسئلة ووين الإستاذ الوقت بخلص الامتحان صعب الكمبيوتر مادري اشفية معلّق عوورت راسي وانا اشوفها حلّت كل شي وتقول صعب خلتني اتنرفززز يعني كئبي على روحج اشمالله اتوزيع الكآبة على الباجي ووحدة ثانية قاعدة اسولف معاها على الميداني والتخرج والوظيفة امبيية حبطتني تقول من صجج نشتغل اصلاً يبيلنا من 6 اشهر لي سنة ويمكن أكثر عشان نلقى وظيفة !!! قلت وليش يعني ؟؟؟ قالت حتى اللي يشتغلون الحين ما يشتغلون بس ماخذين الشغل تسلية وقت .. لالالا انا ما اتحملت اقعد معاها ولا حتى اكمل اي سالفة معاها على طوول طلعت عذرر وانحشت .. ما احب السلبية اللي اطلعها عليّ واشكثر هالنوعية تمر عليّ حق التحبيط جاهزين باي شي بس حبطني حبطني .. مادري ليش هالطبع واايد منتشر في الناس يا زين التفاؤل .. حتى يخلي الإنسان مستانس يضحك وصدرة وسيع ومرتاااح .. ونصيحة بس اتحسون اللي يتكلم معاكم سلبي وكئيب وييب القمتة لكم ولأفكاركم وخرووا عنه لأن راح يضركم ويخليكم نفسه ونفس أسلوبة الممل واللي يحبطكم على الفاااضي :) والحياة ممتعة وحلوة ويزيدها التفاؤل حب وسعادة وخير وفرررح



هناك 30 تعليقًا:

Fskra يقول...

ee walah 9ajaa

ako nas y3fsoon youmch o y2throon 3laa nthrtnaa 7g el 7yaat !!
o elsebaa enhom nas kilaa mtsha2meen !!!

O ynthroon 7g el 7yaat nthrah sawdaweyaa !

omi mskenaa eli maklt`ha eb ha salfaa !!

tgom el 9b7 tft7 el tv o le2naa ehyaa mrethaa eb cancer lazm tshof shay yhdee a39abha mo y3fs youmha !!


fj2aa omi tbchy !! yumaa shfeech !!

w3liyaa GHAZA kasreen 5a6ree ! ;/

yumaa tkfeen la tshofeen chethy mn el 9b7 egray quran o ed3ay lihom bs !

La tg3deen tshofeen dm o jethath o thbaay7 ! ! ma y9eer ;.

o youmha kila y5trb bchy o nwa7 3laa el bshr ;/

حياتي هدف مو عبث يقول...

المشكلة بعد يحنون عليج بالتشاؤم :p
ولا تخلين امج تشوف اخبار مو زينه
لأن ترى يؤثر واايد على النفسية
والاخبار بكبرها لحد يشووفها
لأنها تغث الانسان وبس .. وعاد اخبار العرب ماشاء الله يغثوون مغثة محترمة

يا حلات اميمتج :*

mo3ath يقول...

في فرق بين الواقعية والتشاؤم لووووول هذا انا لما كل ماواحد من الشباب يبي يسوي شي مينون لازم اعطيه اللسته واقضبه ارضه بس مو على كل شي ، اخذ الواقغ بصوره اكبر من حجمها تييب التشاؤم

شكو ماراح نتوظف إلا بعد سنه ومادري شنو ومن الحجي الفاضي ، اوكي يمكن يصير تأخير بس موجذي :/

انا اقول طول ماانتي عارفه بالسالفه الي صايره لايهزد تحلطم ولاتشاؤم احد ، عاد اذا انتي موعارفه الله يعين نفسيتج إذا كنت من النوع الي يتأثر :)

Corpse Bride يقول...

عزيزتي حياتي هدف..

مرت علي وحده من هالنموونه..

ما كنت مستوعبه بالبدايه.. انها من النوع السلبي الي يحب يخليج اتشائمين وتكرهين دنيتج..عبالي تحلطم عادي وفتره نفسيه وتعدي..

لين تكررت الشغله.. وبقوه .. تكسر مياديف مالها والي.. وكل مره كنت اشوفها كنت اغلق ما كنت عارفه ليش..

يعني يكون مودي اوكي..بس اسولف معاها يضيق خلقي.. ويحوشني اكتئاب..

لين بيوم وبالفتره الي حدي كنت مشغوله فيها بدراسه ومعهد ونادي ..

بدال لاتقول يعطيج العافيه..وشدي حيلج.. ردها كان وييييييع قطيعه.. وانشالله حادج.. وشنو الفايده من كل هذا..

من يومها لا تشفتها ولا شافتني..

هالناس الي جذي البعد عنهم غنيمه..

ماراح يضيفون لج شي غير المغثه والاكتئاب..

ومشكوره على الموضوع

Najmah يقول...

عاد شعور الاحباط بسرعه ينتقل
ويوتر بشكل مو طبيعي
:\
تصدقين
انا اذا عندي امتحان
ما اكلم احد ولا ارد على احد
احب ادرس بروحي
واراجع بروحي
عشان لا احد يوترني ويخرعني
وايد اريح
:)

Fankooshy يقول...

رفيجتج نفس رفيجي
كله متشائم ومايشوف الا اللون الاسود
ويحبط اللي يسولف معاه والمكان اللي يقعد فيه
بس اخر شي عشان لانتاثر سلبيا بطبعه قمنا نسمعه ونضحك عليه :)
في وايد ناس جذي بالمجتمع حياتهم تحبيط واحباط

Enter-Q8 يقول...

في ناس مثل اللي ذكرتيهم ، و لكن في ناس يكون عندها التفاؤل له اسباب منطقية او رحمة ربك فقط
مره جذي قعد يناجرني واحد و يقولي انت مقفلها
قلت له معليش عطني سبب واحد للتفاؤل سكت
قلت له تدري اشلون انا بتفاؤل بس علشان شغله وحده
قالي شنهي
قلت رحمة ربك بس

Q8EL5AIR يقول...

تفائلوا بالخير تجدوه ..


بس بيني وبيج الواحد على الي قاعد يشوفه حوله يوم عن يوم قاعد ينقص فيه التفاءل .. !!

ماكو شي يبشر !!

بس مع هذا راح نبقى متفائلين .. شراح نخسر اذا ما تفائلنا يعني .. بالعكس جود يتحقق هالتفاءل .. وتصير الفرحة فرحتين :)

والتفءل هو الشعور الي يخليك تستمر بالحياة .. ويجدد جمالها :)


وتحياتي ..
ويسلمواااااااااااااااااااا :)

المجهوول ..! يقول...

ماقالوا ان الصاحب ساحب
حتى بالشعور الصاحب يسحب

فاذا كان ايجابي ومتفائل سحبنا معاه فوق والعكس صحيح

فاختيار من نجلس معهم مهم ويعطينا دفعة معنوية ايجابية اذا كان اختيارنا مناسب

أذكر أن الدكتور محمد الثويني كان يتكلم قبل يومين في برنامج تباشير الصباح الاذاعي

ان على الطالب اللي عنده امتحان ان يجالس المتفوقين واللي متفائلين بالنتائج الحلوة حتى يتأثر بهم

وتكون روحه المعنوية عالية
عساج على القوة
والله يبعد عنا وعنكم الكابة

المجهوول

SHAHAD يقول...

عاد أكره شي عندي أقعد مع وحده يااائسة من الحيااة ولا أكو شي عاجبها في الدنياا

ذكرتيني
مرة قعدت مع وحدة بس تتحلطم وتحن على قلبي : للحين ما توظفت والوزارات تعبانه مليت من الفرارة مليت من البيت زهقت من هالعيشة وللحين ما تزوجت أحس إني عنست طقت جبدي تهقين احنا بنعيش بروحنا طول عمرنا ://
مادري شكو تجمعني وياها !!
جان أقولها كل هذا بقلبج وللحين عايشة لو انا منج اروح انتحر احسن لي لوووول

سبحان الله .. القلوب المؤمنة هي اللي ما تتحلطم ولا تتشاءم لأن تدري كل شي مكتوب وكل إنسان مكتوب له رزقه

الله يجعلنا منهم : )

AK-47 يقول...

بالبوست هذا انتي توصفين اغلب المدونات اللي مرت علي :)
الشعب كله موعاحبه حاله للأسف
الله يهدي الجميع انشالله ,خوش موضوع شكرا:)

غير معرف يقول...

سؤال المليون شنو نسوي لو كان قريب او شريك يعاني من الحالة هذه وليس صديق يمكن تركه؟

-mate يقول...

المصيبة بعضهم يتحلطمون على راسج وإيبوون درجات أكثر منج، هذيل تكفين شتسوين فيهم؟

Kuwait يقول...

لوووووووووووووووووول
من قالج تقعدين 6 شهور ؟ ;q
انا تخرجت شهر 6 على ماخلصت اوراقي واستلمت شهادتي شهر 7 سافرت ورديت شهر 9 ..
سجلت بديوان الخدمه طلع اسمي بوزارة مو شي بشهر 10 ودقولي كذا مكان قطاع خاص وماعجبني ..
رحت وشلت اسمي من الديوان وبشهر 11 قدمت على مكاني الي الحين واشتغلت على طول والحين مليت وأبي أغيره قريبا ;q

طموحة مملوحة يقول...

لووووول انتي وينج ؟؟

خل نفصل افا عليج بس :D

اي وايد مروا علي جذي ... بس التفاؤل يهبل والله

حياتي هدف مو عبث يقول...

معاذ

الواقع ماراح يضرة لو كان فيه تفاؤل بالعكس ترى نظرتك تتغير للواقع
يعني واحد مريض ويصير متشاؤوم وراح يموت وراح يتألم وووو ...
لكن ليش ما يتفاؤل ويشوفة تكفير لذنوبة ويخلي اهلة وربعة يكونون قراب منه ويعرف قيمة الصحة
النظرة للواقع مهمة وممكن تقلب حياتك فوق تحت لو عرفت قيمتها

واشدرااني عنها .. تقول كل الناس جذي وكلامها محبط ههههههه
وانا ما احب اسمع كلام جذي
اكرره حياتي فوخرت عنها وريحت بالي

:)

حياتي هدف مو عبث يقول...

Corpse Bride


ههههههه
شفتي هذه اللي تكلمينها واتحسين بضيقة
واايد اعرف هالنووعية
والصراحة اللي امون عليهم اقوولهم
واللي معرفتي فيها سطحية احاول ما اتصادم معاها في اي موقف
لانه كئيبة خلقة فماكو فايدة

:)

حياتي هدف مو عبث يقول...

نجمة

ايي اريح واكيد مارين عليج اللي اتحن وااي الامتحان صعب الاسئلة واايد موقادرة احفظ وما بقى شي على الامتحان
وااي يغثووني :@
انا اطق بريك واوخر عنهم ولا ايي بوقت الامتحان بالضبط وادخل الامتحان سيدة :)

موفقة :*

حياتي هدف مو عبث يقول...

Fankooshy

اهيا زميلتي ولو عندي رفيجات جذي واايد احباط جان انتحرررت من زمان :p
وكيفهم خل يكونون محبطين بس لا يوزعون الاحباط علينا :)

حياتي هدف مو عبث يقول...

Enter-Q8

لو بنقول ماكو شي يدعو للتفاؤل جان متنا من القهرر من زمان
والاكيد ثقتنا بالله اهيا اول دافع للتفاؤل بس والله في ناس غريبة وايد
متشائمين لدرجة كبيرة وماكو شي يتم على حالة عشان جذي التفاؤل يعطيك جوو مريح ولا تنسى العقل الباطن يتأثر بكلامك والكلام اللي تسمعة
يعني واحد يقول حر حر حر والجو زين
لكن مع تكرار الكلمة راح اتحس انت بالحرر لان عقلك استوعب الكلمة ويترجمها بافعالك وكلامك وردة فعلك

حياتي هدف مو عبث يقول...

Q8EL5AIR


لو كل واحد يقول ماكو شي حولي فيه تفاؤل جان محد حرر الكويت ولا احد درس وتخرج ولا واحد تزوج ولا احد سوى شي
صدقني التفاؤل اول عامل للفرد انه يغير حياتة للأفضل

حياتي هدف مو عبث يقول...

المجهول

بالضبط .. :)

وعاد الثويني ضحكتة وروحة اللي دوم مبتسمة تييب التفاؤل :)

حياتي هدف مو عبث يقول...

شهد

ههههههههههههه
اي اي شفتي شلون تجمع الكآبة باللمي معاها وهذا غلط ويحررر
عشان جذي خلااص انتهى امرها ههههه
بس لا تنتحر صج :p

حياتي هدف مو عبث يقول...

AK-47


المشكلة انه نشوف الجانب المظلم بس
وكل شي يصير لها جانبين لكن النظرة اهيا المشكلة
والحمدللع على كل حال ونتفائل بالخير مهما صار :)
العفووو

حياتي هدف مو عبث يقول...

غير معرف

انا اعرف وحدة قريبة مني جذي
كنت اسكت اول شي بعدين ما تحملت
بطيتها ابويها
قلت انتي متشائمة وكئيبة اووكي كيفج بس الله يخليج لا ترسلين لي موجات وطاقة سلبية عن طريق كلامج انا ما يعجبي هالنوع من الكلام ولا الطريقة
وبعدها خفت واايد عن كأباتها

والله يعينك :)

حياتي هدف مو عبث يقول...

-mate

هههههههههه
حدك مقهووور
هذوول يجذبون مادري خايفين من الحسد من العين مادري
بس مرة وحدة قالت الامتحان صعب ومن هالسوالف ولما خذينا الدرجات كانت يايبة 24 من 25 !! تخيل
عاد طنت وحدة من الكلاس قالت هذا وصعب جذي لو سهل اشسويتي ههههههه
الكلاس كله غشى من الضحك

حياتي هدف مو عبث يقول...

كويت

مااااري اهيا تقوول وجم وحدة بعد نفس الحجي هههههههههههههههه
انا متفائلة بس اهم مادري ليش يأس
والله يووفقج يااارب وتشتغلين بمكان تحبينه وترتاحين فيه :*

حياتي هدف مو عبث يقول...

طموحة مملوحة

هههههههههه ما فهمت على شنو نفصل

اي التفاؤل عجيييب

Alikingkw يقول...

كلامج صحيح بس هم مهم الواحد يكون صادق مع نفسه ومع الغير ... انا فاهم شتقصدين غالبية الناس اذا يبون يسولفون يقعدون يتحلطمون وخاصة في الجامعة.

وفيما يخص الوظيفة ثلاث شهور والا ستة مو فترة طويلة بلعكس عطلة حلوة الواحد يتفرغ تفرغ كامل حق اهتماماته .. والوظيفة مضمونة في الكويت فمافي داعي للتشاؤم.

منطلقة بطموحي يقول...

والله انج صاجة عزيزتي لطيفة ، يا حلووو التفاؤل :)
حلو الانسان يكون له نظرة ايجابية للأمور مهما كانت معقدة ..
النظرة التشاؤمية ما منها فايدة و تضر الانسان و تضر اللي حواليه !! شحقى عاد ..
ما احب اقعد مع اللي نظرتهم تشاؤمية ، احاول انصحهم ان يغيرون هالنظرة حق نفسهم و ابين لهم خطورتها ، اذا شفت ماكو فايدة فيهم و لا تعلموا هالشي ، اضطر انني اوخر عنهم او اخفف من احتكاكي فيهم . لأن هالشي راح يضرني ايضا .