2009/01/11

طائفي ! طائفية ! مطفأه !

تدرون شنو اللي يضحك صج .. تلقى مدونة تقول عن اللي يتكلمون عن الشيعة إنهم طائفيين ومثيري الفتن وغيره من الكلام المعروف سلفاًعند طرح أي قضية يدخل فيها كلمة شيعة / شيعي سواء كانوا أشخاص أو سادة ... لكن تلقى صاحب او صاحبة هالمدونةيكتبون تعليقات اتفشل ويطبون بالمشايخ السنة والنواب السنة ويعيبون على طبطب على قولتهم وهايف حاف جذي يذكرونها وقصدهم الإستهزاء وحتى الغبي يفهم مقصدهم لكن احنا إنكبّر عقلنا عنهم وتقول كيفهم شنو بقولون ولا نعطي الموضوع حجم كبير و لانقول هذه طائفية وكلام يثير الفتن ولأني أنا شخصياً أشوفة رد فعل على ما يصير من أحداث ولا أربطها لا بطائفية ولا مذهب ولا غيرةلكن لما يكون في ناس عندهم مرض وخلل في قلوبهم وأنفسهم يشوفون كل كلام ينقال عنهم معناه إستهزاء وسخرية هذا يبين اهم اشكثر يناقضون أنفسهم وما زالوا وأغلب اللي مو عاجبهم أي شخص يتكلم عن الشيعة اهم نفسهم اللي وايد ينسخون المادة 36 بمدوناتهم وردودهم وأتوقع من كثر ما يكررون المادة صار ما لها أي تأثير لأن الكلام تغلل في عقلهم وتشرب وما كبر ولا برز بشكل صحيح ولي قلت لهم ما يصير جذي تقولون عن السنة سواء اشخاص نواب مشايخ .. الخ يطلع بمادة 36 اللي ما عندهم غيرهاوطبعاً هذا يدل بشكل كبير على عدم الفهم الصحيح للحرية اللي اتوقع محد راح يفهمها بالكويت ابداًوذاك يقول هذول وقصدة السنة نفس المشركين لما ما سمعوا كلام الرسول صلى الله عليه وسلم بعد مو ناقص الا نطلع زنادقة ويطلق كلمات تشبه عقلة وويهة الودر مثل حمقى أغبياء مغفلين منافقين لا يفهمون حب أل البيت مقصرين بحب أهل البيت والكلام اللي يستخدمة الضعفاء لحشو كلامهم المتناقض .. واللي يعلل إن الفيديوز اللي باليوتيوب ملفقة ومقصوص منها الكثير اللي يسبون الصحابة وعائشة زوجة الرسول صلى الله عليه وسلم .. اقول ماشاء الله يعني احنا اغبية ما نعرف الفيديوز الملفق ولا المقصوص ؟؟؟ ولي قلت هالحجي قالوا مو كل سيد يكون كلامه صحيح ولي قلت شي عنه بمدونة ثانية طقوا صدر يدافعون عنه وبعد يطلع كل شخص يتكلم صغير في السن ما يفهم ياخذونهم الدفاع بشكل عاطفي والتعصب والطائفية اللي للحين محد عارف شنو المقصد من كلمة طائفية اللي الكل قام يقولها واهوا مو فاهم معناها وبس جذي يقولها والسلااام ..ولا يقولون السب والشتم أمر خاطئ ولي قلت لا تسبون الصحابة محد يرد عليك .. وال؟؟؟؟ يسب عائشة رضي الله عنها وربي محد فيكم يوصل لنقطة صغيرة من شرفهااللي محد فيكم يطولة ولا يعرف معناها لان بعيد عنه ...انا ما يهمني انت شيعي ولا سني .. لأن الله بحاسبك مو انا ولا غيري لكن احترم العقل اللي امامك ولا تلف ودوور عشان اطلع نفسك صح وانا لي شفت شي غلط اقوول واتحجى واللي يفهمه استهزاء مشكلتة واللي يفهمة تصفيق له همم مشكلتة واللي مو عاجبة كلامي سهل الحل لا يقرا محد يغصبة انه يقرا ويعور دماغة معاي والمدونات اللي هبّت هبّة تبي تتناقش بموضوع الشيعة الاحظ كلامهم كلة يدوور يدوور ويرجع نفس النقطة ماكو شي اساسي للنقاش سوى جم كلمة طالعين فيها بأسلوب كاتبينه يعني بأسلوب فأنت تشوف الأسلوب وتشوف انه يدور بدائرة مغلقة واللي يعلقون عندهم يطالبون بالتعقل اهم نفسهم بو ستين ألف ويه مع الخيل يا شقرا والمشكلة بعد نص ساعة معلقين في مدونة ثانية تناقض الكلااااام وعلى بالهم محد يقرأ محد يلاحظ ...واللي يبي يلطم واللي يبي يفجر نفسة بالطقاق ما يهمني لكن من حقي أتكلم وأقول اللي أبية ومن حق اي شخص ينتقد كلامي واسلوبي لكن مو من حقة يغلط عليّ ويتطاول على ما أعتقد إنه صحيح وبالله منو يقولي شنو يعني طائفية ؟؟؟؟؟؟ اللي صارلي دهر أسمعها
بس في محرم والانتخابات

هناك 25 تعليقًا:

العرزالــــــه يقول...

العقل انج تهاجمين كل الدينين..السنه

والطائفيه انج تتكلمين عن اي شيعي لو كان شخص مسؤول او عادي

بس وين

قاعدين لهم

:)

حياتي هدف مو عبث يقول...

العرزالة


أنا كتبت عن الطبطبائي وعن البذالي
واهم سنة حالي من حالهم .. محد قال عن طائفية وهذا دليل مثل ما قلت ان العقل المهاجمة فقط وللسنة فقط ..

وعاد الشيعة ملايكة وانا مادري
حالهم من حال السنة ..

بس الحساسية زاايدة هالأيام

:)

هذيان يقول...

اليوم الواحد ان تكلم عن حزب الله قالوا طائفي

ان انتقد وتكلم ايران قالوا طائفي


تعريف الطائفية شنو

بوتشخيص يقول...

تعريف الطائفية اذا تكلمت عن شخص شتم الصحابة أو أم المؤمنيين رضوان الله عليهم ..إذا تكلمت عن حزب الله وحسن نصرالله.. إذا تكلمت عن إيران .. أو أي شخصية شيعية سياسية أو دينية .. تصيرين طائفية ..

إذا تطنزتي على بن باز و بن عثيمين و الطبطبائي و هايف أو أي شيخ سني.. تصيرين كووول و خوش وحده و تشوفين التشجيع ..و اشحلات المادة 36


هذه اسمه ديمقراطية عرجاء .. و طائفية بعين عوراء!

غير معرف يقول...

طيب صحيح
ماهي الطائفية؟؟ :D

والله اللي بيحصل اليومين دول
ماهو الا ناتج من نواتج الكيمياء الفيزيائية الكهربية المعقدة اللي بتحصل بين الاغبياء والهبل والحمقى _والفاضيين على وجه الخصوص_ :(

لطيفة ..
امتى نستريح؟؟ ^^

Kuwait يقول...

@@
ما خلصنا من هالسوالف للحين ؟ ;q

Fskra يقول...

7yaty

ya 7yaaty :**

shofay 7elo ena el ensaan yktb raya bs sa3at tkon el araa2 ma to9aal eb 6reqa 7elwaa o el nas tfhmhaa 3la enaa hatha el sh59 yhajm f2a mo3ynaa ..

o traa el 6a2fyaa etha btktboon mn el youm li bachr ma t5l9oon

ana mn rayee tatrkoon o tatrf3oon 3n hal mawthee33

lish ??

le2na fe wayed nas ma ra7 yfhmoonhaa 3dL !!

O el mthahb yabelhaa ensan ykon 3alm be deen 3shan el nas t9dgaa !

amaa ay ensan yktb el nas ra7 tetjahla o trd 3lih eb 6reqaa et`thaygaa lish ! le2na mafee lah tare5 3lmi ysndaa

ana snyaa o ythaygni b3th rdod el nas eli tnktb bs ma ard 3lihom ela ethaa 7seet ena ha sh59 a3rfaa or a3rf afkara o a5laqa


o ana w7daa bdait atethayg lima ashof mawathe3 el 6a2fya ymkn gh9bn 3lay sa3at ta5thni el 7myaa o ard o sa3at ahdi el mawthoo3 bs mako fayda !!

O el blogs mn bda m7rm o ehma shabeen shaba !! chena ma 3rfnaa ena e7naa sunna o ehma she3a ela eb mo7rm !!! ;/

luv u :* o tra brd el q8 youm el sbt o kifi b3rfkom o bshofkom be 9j entaw 5awaty eli wgftaw m3ay yalah zhbow 3mrkom ;)

حسام بن ضرار يقول...

شتسوين يا اختي اذا بعض الناس حولان و ميزانهم اعوج؟

و الحول فيهم مستعصي و ماله علاج!

حياتي هدف مو عبث يقول...

هذيان


الطائفية يعني الله يسلمج
تكتبين اي شي وتنقدينه واهم يشوفون صح
اهنييي يعرفون الطائفية وما يدرون انهم اهم نفسهم بس يشوفون الناس نفس حالتهم

حياتي هدف مو عبث يقول...

بو تشخيص

اهم خلو ديمقراطية عشان الواحد يتحجى ؟
واصير مناصرة للحريات ومشجيعنها هاهاها

حياتي هدف مو عبث يقول...

روح المحبة


ان شاء الله نستريح لما نموووت
ونفتك :) مع ما اعتقد راح نسترريح ورانا حساب ;p

رووحي درسي أحسن :*

حياتي هدف مو عبث يقول...

كويت

@@@@
يعني لابسة نظارة
اربع عيون هاهاها
لا ما خلصنا تعكّر مزاجي ووراي امتحان
مليق :p

حياتي هدف مو عبث يقول...

fskra


صدقيني بين الكلام ان كان هكوم ولا توضيح ولا شنووو .. بس الخلل من اللي يقرأ ومن نفسه ..
وانا لا يعة جبدي بالمدونات وبرا ماكو غير هالموضوع يعني متى الناس تفهم مادري
يبه خل يكون الشخص ملحد كيفه بس خل يحترم غيره ولا يسخر من اي شي يشوفه غيره صح ..
وان شاء الله ترجعين بالسلااامة ونشووفج بس انا استحيييي :****
:p
الله يحفظج يااارب

حياتي هدف مو عبث يقول...

حسام بن ضرار

ولا يرضون بالتشخيص ولا العلاج !
وطلع انت راعي العلة والمرض !

مآساة

حياتي هدف مو عبث يقول...

هجوم اقصد ://

enter-q8 يقول...

انا مليت من هالمنوال
شيعة و سنه شيعة و سنه شيعة و سنه شيعة و سنه شيعة و سنه شيعة و سنه
انا بكون مذهب جديد
اسمه سنعة
لن اصلا السني بالاصل متشيع الى ال البيت و الشيعي اكيد بيتبع سنة رسول الله
و اللي صاير اللحين تلون
و حاله نفور من كل شي و هيجان يحوشنا كل سنه بهالموسم

ساره النومس يقول...

بصراحة أنا انتقدت الاثنين بصراحة ..

بس من بعد مازادت المواضيع الطائفية بالمدونات قررت اني ما اعلق واتكلم واكون محايدة بين الطرفين لأني لا ارضى على هذول ولا الثانيين ... وشفت موضوع العرزالة الي أأيده بس مو كل الليبراليين كما ذكر الأخ ..

أقول لج شي .. بيني وبينج :p

دشي منتدى الوسط الديمقراطي وشوفي الطائفية الي على اصولها :p

كلمة حق صراحة

ساره النومس يقول...

أهم شي مذهب سنعة .. لووووول خوش مذهب والله وياك وياك بريح اعصابي والله

Fskra يقول...

7bebty walah :**

yal ghaliya yalah nbi post yshr7 el nfs mn postatch el 7lwaaa yalah wnseeeenaaaaa bskom t7l6m ;p

o enter-q8 sn3a ha :P

thkrtni ayam alb7reen knt agolohom eni fawqiyaa :P

mn kithr ma ys2Loni entay she3ya wela snya !

o 6b3n ana snyaa o fe el b7reen ma ynf3 fa 9rt fawqya ;p

agolohom eni a9li o 7a6a eedee fog rasi o el 5daay 9goow ;Pp

غير معرف يقول...

بالصميم:)

حياتي هدف مو عبث يقول...

fskra

ههههههههه
تخيلي احد يصلي صج جذي :)
وان شاء الله ان شاء الله :*

حياتي هدف مو عبث يقول...

غير معرف

سلامة الصميم :)

حياتي هدف مو عبث يقول...

Enter-Q8

سووري على بالي رديت :///

سنعة سنعة سنعة سنعة
حنه حنه حنه حنه
الهّبات مواسم خيييي

حياتي هدف مو عبث يقول...

طموحة مملوحة

أحسن شي اتسووينة بس بعض المرات انا يكون في بالي هالشي بس ما اقدر ما اتكلم هههههههههه

ودشيت بس ملااقة لازم اسجل عشان اشوف المواضيع شالنحااسة :(

ساره النومس يقول...

أفا عليج ضيفيني واعطيج نك عندي 3 نكات هناك دشي وشوفي المواضيع واستانسي :)

was6ya@hotmail.com