دايماً أعتبر مدونتي جزء حقيقي مني،أكتب أفكاري ومشاعري دون خوف أو تردد من ردة الفعل ولطالما عندي قناعة إن مدونتي مدونة شخصية ولا أخجل من هذا،وأنا إنسانة تمر بي لحظات ضعف ولا أخجل أبداً أبداً منها.
أنا في المكتبة الآن في الجامعة ومتعبة جداً مو نايمة مو ماكله ولا فيني حيل أكل،عايشة هالثلاث أيام على القهوة وإذا أكلت أكلت بسكوت مالح وزني نزل كيلوين ونص بس هالفترة وامتحاني السبت وللحين ماخلصت حتى نص الكمية الكبيرة بحكم إنها مادة حقوق وبما إني طالبة قانون لازم أتعود إن هالشي طبيعي جداً،أنا متعودة على الدراسة والقراءة والإمتحانات بس مو بهذه السرعة والمواد الثقيلة فعلا فعلا،مادري إذا راح أخلص اليوم أو حتى باجر و ألف فكرة في بالي،عارفة إني قوية وأقدر على كل هذا وببساطة بس مافيني حيل الحين،مادري يمكن تحسفت حولت قانون،مادري الأيام تمر بسرعة واليوم الواحد ما يكفي وغير ضغوطات جانبية من كل مكان وأنا وايد انتبه للتفاصيل فتخيل كل هاللوية وبتفاصيلها بعقلي،لاحظت إن محد يقدر هالشي ويعتبره مبالغة بس في الحقيقة هذا ولا شي،وأيضاً بالمكتبة الحين المفروض يكون هدوء لكن محد يحترم هذا الشي البنات وايد مزعجين وهذا جداً قلة ذوق،يعني أنا اخترت أدرس اهني علشان هدوء مو علشان أضيع وقت،مادري أنا شنو قعد أكتب ولا راح أرد أجيك عليه،بس مادري اشراح يصير فيني من اليوم لي أخر إمتحان،أتوقع بحوشني جفاف عقلي وجسدي،وأتمنى يطوف هذا بسلام وأسمع كلمات محبة وتشجيع ممن أهتم فيهم.
ليست هناك تعليقات:
إرسال تعليق